3.8
(5)

Bakterial vaginoz kasalligining asosiy muammosi uning aksariyat hollarda yaqqol ko‘rinmaydigan alomatlar bilan kechishidir. Biroq, hidli jigarrang ajralmalarning ko‘plab kelishi bilan bog‘liq noqulayliklar, bu holatning jinsiy aloqadan keyin kuchayishi ko‘pgina mijozlarni shifokor ko‘rigiga borishga majbur qiladi.

Bakterial vaginoz (yoki qin disbakteriozi) tanosil va yallig‘lanish xastaliklariga kirmaydi. «Bakterial» degan iboraning o‘zi qin ajralmalarida ko‘p miqdorda «keraksiz» bakteriyalarning borligini ko‘rsatadi. «Vaginoz» so‘zi esa yallig‘lanish alomatlari yo‘qligidan so‘zlaydi.

Boshqa foydali achitqi bakteriyalariga keladigan bo‘lsak, ular qinda nordon muvozanat hosil qilib, begona mikrofloradan himoya qiladi va bakterial vaginozda ularning miqdori kamayib ketadi. Qindagi nordonlik darajasi kamayar ekan, foydali bakteriyalar o‘rniga turli noxushliklar keltirib chiqaradigan, ayniqsa immunitet past bo‘lganda kasallik chaqiruvchi bakteriyalar ko‘payib ketadi.

Darvoqe, kasallikni biron-bir bakteriya emas balki, me’yoriy mikroflora va kasallikka sabab bo‘ladigan zararli bakteriya o‘rtasidagi mutanosiblikning buzilishi keltirib chiqaradi. Shu sababli vaginoz yuqumli kasallik sirasiga kirmaydi va jinsiy yo‘l bilan yuqmaydi. Me’yoriy holatda qin ichki jinsiy a’zolarni tashqi ta’sirlardan himoya qiladi. Shunday ekan davolanish birinchi navbatda eubiotiklar (me’yoriy laktofloraga ega bo‘lgan preparatlar) yordamida qindagi me’yoriy mikroflorani tiklashga qaratilgan bo‘lishi kerak. Hozirda kompleks ta’sirga ega dorilar mavjud bo‘lib, ba’zi vaziyatlarda antibakterial terapiyadan qochish imkonini beradi.

Ayrim holatlarda kasallik chaqiruvchi bakteriyalar bilan kurashishda antibakterial preparatlar qo‘llaniladi. Bunda mahalliy terapiya ma’qul hisoblanadi, ammo ba’zida tabletka shaklidagi antibiotiklar belgilanadi (homiladorlikda antibiotiklar qo‘llanilmaydi). Antibakterial terapiyani faqat shifokor belgilaydi. Bu davolanishning samaradorligini oshirishga, asoratlar bo‘lmasligiga va ortiqcha sarf-xarajatdan saqlanish imkonini beradi. Antibakterial vositalardan tartibsiz foydalanish oqibatida bakterial vaginozning davolanishdan bir oy keyin takrorlanish chastotasi 30 foizni, 9 oydan keyin esa 80 foizni tashkil qiladi.

Bakterial vaginozni davolashning asosiy tamoyili qindan ajralmalar kelishini to‘xtatish va qin surtmasini me’yoriga keltirish hisoblanadi.

Ma’lumki, kasallikni davolagandan ko‘ra uning oldini olgan ma’qul. Shu sababli bakterial vaginoz profilaktikasida jinsiy va gigiyena qoidalariga rioya qilish hamda antibiotiklarni tartib bilan qo‘llash zarur bo‘ladi. Masalan, betartib jinsiy hayot bilan yashaydigan ayollarda bakterial vaginoz ko‘p uchraydi.

Ushbu maqolani ham o‘qing:  Terining turiga qarab yuzni parvarishlashda nimalarga ahamiyat berish kerak?

Tibbiyot xodimining to‘g‘ri tashhisi qin surtmasi va qin ekmasi natijalariga asoslangan bo‘ladi. Bunda kasallik qo‘zg‘atuvchilarning miqdorini va ularning antibiotiklarga ta’sirchanligini aniqlash muhimdir. Agar vaginoz tashhisi tasdiqlansa kasallikni albatta davolash kerak.

Xastalikka olib keluvchi sabablar:

  • Zamonaviy hayot tarzi organizmni odatdagidan ancha tezroq ishlashga majburlaydi va jinsiy a’zolar tizimi ham bundan mustasno emas.
  • Intensiv jinsiy hayot.
  • Jinsiy sherikni tez-tez o‘zgartirish.
  • Tampon va prokladkalardan foydalanish, sintetik ich kiyimlarni kiyish, qinni chayish.
  • Keng ta’sir doirasiga ega antibiotiklarni ichish.
  • Stress.

© Zulxumor QUTLIYEVA, oliy toifali shifokor.
«Salomatlik sandig‘i» gazetasi.

Bo’lajak onalarda vitaminlar yetishmasligi holatini yengish uchun eng ko’p ishlatiladigan vitamin komplekslaridan biri Alfavit mamino zdorovyedir.

Alfavit mamino zdorovye bu – 500 mg dan, bir qadoqda 60 dona vitamin va mineral kompleksli tabletkalar.

Tabletkalar tarkibi: Yod, Foliy kislotasi, D-pantenol (B5 vitamini), B1 vitamini, B12 vitamini, B2 vitamini, B6 vitamini, S vitamini, PP vitamini, A vitamini (palmitat shaklida), temir, kalsiy, magniy, mis, xoletsalsiferol (D3 vitamini) ), Xrom, rux, biotin, E vitamini, marganets, K vitamini, L-taurin, molibden

Preparatning narxini ushbu bo’limda ko’rsa bo’ladi — https://apteka.uz/offer/alfavit-mamino-zdorove-vitaminno-mineralnyy-kompleks-tabletki-500-mg-n60

Homilador ayollarda qo’llaniladigan boshqa vitaminlar: Elevit, Komplivit, Foliy kislotasi, Vitarich va hk.

*Qo’llash mumkin bo’lmagan holatlar mavjud. Ishlatishdan oldin shifokor bilan maslahatlashing.