El sog‘ligi — yurt boyligi

Shamollash

Jondan aziz farzandingiz shamollab qolsa, vahima bilan dorixonaga yugurishingiz shart emas, oddiy va bezarar usullar bilan dard hamlasini qaytarsa bo‘ladi.

Isitma va og‘riqqa qarshi

Odatda viruslar hujumiga bola organizmi shiddat bilan javob qaytaradi – birdaniga tana harorati ko‘tariladi. Bu tabiiy holat, biroq isitma 38 darajadan oshsa, uni tushirish choralarini ko‘rish zarur. Buning uchun sirkali suvdan foydalanish mumkin: 1 stakan suvga 1 osh qoshiq olma sirkasini aralashtiring. Bir parcha matoni ana shu aralashma bilan ho‘llab, bolani yechintiring va hamma yog‘ini tezgina artib chiqing. Keyin bolani choyshabga o‘rab, ustidan ko‘rpa tashlang. Yarim-bir soatdan keyin ham harorat tushmasa, muolajani qaytarish kerak. Ikki-uch muolajadan keyin ham ahvol o‘zgarmasa, isitma tushiruvchi vositalardan foydalanishga to‘g‘ri keladi.

Kuchli bosh og‘rig‘ida karam bargini sanchqi bilan teshing (suvi chiqishi uchun) va peshanaga qo‘ying. Umuman har qanday bosh og‘rig‘ida tuzli bog‘lama yordam beradi. Buning uchun 1 stakan issiq suvda 1 osh qoshiq tuzni aralashtiring. Jun matoni aralashma bilan ho‘llab, siqing va og‘riq joyiga qo‘yib, ro‘mol bilan bog‘lang.
Bola organizmi toksinlardan tezroq xalos bo‘lishi uchun iloji boricha ko‘proq terlatuvchi choy ichirish kerak. Bu borada malina sizga asqotadi.

Tonzillitni unuting!

Tonzillitni bejiz surunkali dard deb atashmaydi: qulay imkon tug‘ildi deguncha, qayta xuruj qiladi. Quyidagi resept esa tonzillitdan batamom qutulishga yordam beradi.
Kechqurun yaxshi, yirik qizilchani archib, mayda qirg‘ichdan o‘tkazing. 1 osh qoshig‘ini bankaga solib, ustidan 1 osh qoshiq olma sirkasini quying va aralashtiring. Bankaning og‘zini berkitib qo‘ying. Ertalab biror tabiiy matodan (dokadan emas) o‘tkazasiz. Stakanning 2/3 qismicha suyuqlik hosil bo‘ladi. Bola har safar ovqatlangandan keyin ana shu suyuqlik bilan g‘arg‘ara qilsin. Stakandagi dori bir haftaga yetadi. Muolajani kamida 15 kun o‘tkazsangiz, dard chekinadi. Agar bolaga surunkali tonzillit tashxisi qo‘yilgan bo‘lsa, tomog‘i og‘rishini kutib o‘tirmay, muolajani boshlayvering. Qizilcha va olma sirkasi aralashmasini 1:1 nisbatda suv bilan aralashtirib, burunga tomizsa ham bo‘ladi. Bu amal adenoidlarda yaxshi yordam beradi.
Bolangiz g‘arg‘ara qilishni bilmasa, moychechak damlamasini ichsin, moychechak yallig‘lanishga qarshi kuchli ta’sir ko‘rsatadi.

Oldini olgan yaxshi

Albatta, har bir ona farzandi sog‘lom o‘sishini xohlaydi. Buning uchun esa chiniqtirish orqali bolaning immunitetini mustahkamlash zarur. Oddiygina tadbir: har kuni ertalab farzandingiz bir daqiqa davomida oyoqlarini tog‘oradagi sovuq suvga solib tursin. Avvaliga suv xona haroratida bo‘lsin, sekin-astalik bilan vodoprovoddagi haroratgacha tushirasiz.
Qizilmiya (solodka) ildizi – immunitetni ko‘taruvchi vositalardan biri. Uni choy o‘rnida ichish mumkin. Agar bunday choyning ta’mi yoqmasa, qizilmiya ildizini qahvamaydalagichda maydalab, asal bilan aralashtiring va bolaga kuniga ikki mahal (ovqatlanish paytida) yarim choy qoshiqdan berib turing. Darvoqe, qizilmiya ildizi yo‘talda ham yaxshi naf beradi.

[box type=»info» align=»aligncenter» ]Yodda tuting: har qanday giyohni faqat sirli idishda qaynatish kerak. Qaynatmani metall idishga quymang, aks holda ta’mi va shifobaxsh xususiyati o‘zgaradi.[/box]

Telegramdagi rasmiy kanalimizga a’zo bo‘ling!

A’zo bo‘lish
loading...

Savollar

  1. Феруза.

    Ассалому-алайкум.Менинг фарзандим 1,6ойлик шамолаган.Томоги хам бугилиб колган.Нима килиш к-к.Илтимос ёрдам берилар.

  2. Феруза.

    Менинг бурним 3 йилдан бери йил 12ой битиб юради.Факат нафтизинда юраман.Илтимос ёрдам берилар.

    • Феруза.

      Менинг фарзандим 1,6 ойлик шамоллаган.Томоги бугилиб,йуталаяпти.Духтирлар ёзиб берган дорилар фойда бермаёпти.Уй шароитида нима килиш к-к.Рахмат.

    • Urazbaev Mansur

      Burun bitishiga juda ko’p omillar sababchi bo’lishi mumkin. Eng asosiy sabablardan biri burun to’sig’i qiyshiqligi, ba’zi allergik kasalliklar.
      Buni davolash uchun LOR ga murojaat qiling. Tekshirib tegishli davolar qo’llaniladi. Davolash mumkin, albatta. Lekin «Naftizin»dan yoki shu kabilardan doimiy foydalanish to’la davo emas. Va buni har kuni doimiy ravishda qo’llash ham mumkin emas.

  3. gulzoda

    Asalomu alaykum mani qizalogim 3oylichomiltirgandim yotalib burnilari oqib qoldi unga qanday davolasam boladi

  4. Ilyos

    Salom, menda 3 kundan buyon gripp isitma 38 39 37 daraja atrofida bölib, normaga tushmayapti. parasetamol tabletkasini ichyapman, Seftrakson antibiotik ukolini ham olyapman natija sezilmayapti. Juda oğir yötal ham bor. Nima qilsam tasir qilishi mumkin.

Fikr bildirish

Sizning emailingiz chop etilmaydi. To‘dirish zarur qatorlar * bilan belgilangan.