Qabziyat qiynaganda

«Qabziyat uzoq vaqt (uch kun va undan ortiq) ich kelmasligidir. Ba’zan qorin bo‘shlig‘i a’zolarining yallig‘lanishi, o‘tkir yuqumli kasalliklar, markaziy asab tizimining xastalanishi, kuchli yurak og‘riqlari, jigar bilan bog‘liq dardlarda ham ich qotadi. Qabziyat malum bir kasallikka aloqador bo‘lmasdan turib ham rivojlanadi.

 

qabziyat

Masalan, o‘z vaqtida xojatga bormaslik, to‘g‘ri ichak shilliq pardalarining yallig‘lanishi, bavosil tugunlarining mavjudligi, iste’mol qilingan oziq-ovqat mahsulotlari ichak tebranishini (peristaltikasini) yetarlicha ta’minlay olmasligi, bundan tashqari qo‘rg‘oshindan zaxarlanish, spirtli ichimliklar ichish, narkotik moddalarni iste’mol qilish ham qabziyatni keltirib chiqaradi» — deydi professor Farhod Dautov «Sihat salomatlik» jurnalida chop etilgan maqolasida.

Qabziyat bo‘lganda odam o‘zini noxush sezadi, qorni og‘irlashib ketganday tuyulib, simillab og‘riydi, ishtaxasi bo‘g‘iladi, og‘zi bemaza bo‘ladi, boshida og‘riq turadi, eti uvushib uyqusi buziladi, asabiy bo‘lib qoladi. Kuzatishlarimizga ko‘ra kam ovqat iste’mol qiluvchi va ayniqsa ertalab nonushta qilmaydigan kishilar qabziyatga moyil bo‘lishadi.
Ich qotmasligi uchun odam oz-ozdan tez-tez ovqatlanishi lozim. Ovqatlanish vaqtida suyuqlik (choy, qahva) ichmagan ma’qul. Chunki bunda suyuqlik ajralib chiqqan oshqozon shirasining kuchini susaytiradi, natijada yeyilgan taom parchalanmay qoladi va ichaklarda yel to‘planadi, hazm jarayoni buzilib qabziyat yuzaga keladi.

Ovqat tarkibida suv ko‘pmi?

Ichak tonusining pasayishi, doimo bir xil ovqatlarni yeyish, ovqat tarkibida suv kam bo‘lishi, ho‘l meva va sabzavotlarni kam iste’mol qilish yo‘g‘on ichakning meyoriy faoliyati buzilishiga sabab bo‘lib, natijada ich yurishishi qiyinlashadi.
Bir qator endokrin buzilishlar (qalqonsimon bez, buyrak usti bezi va jinsiy bezlar faoliyati susayishi), ruhiy kasalliklar va nevrozlar ham qabziyat bilan kechishi aniqlangan. Qabziyatning ikkita turi mavjud.

Atonik qabziyat kamqonlik yoki ozib ketish oqibatida organizmning darmonsizlanib, ichak mushaklari zaiflashuvi natijasida kelib chiqadi. Kamharakat kishilar va muntazam bir xil ovqat yeydiganlar orasida ko‘proq uchraydi.
Spastik qabziyat  ruhiy iztiroblar, ish paytida zaxarlanish, ko‘p chekish oqibatida ichak mushaklarining qisilishi (spazmi) natijasida kelib chiqadi. Qabziyatning bu turida ishtaxa yo‘qolishi, bosh og‘rishi, qorinda simillovchi og‘riq bo‘lishi kuzatiladi.

Ushbu maqolani ham o‘qing:  Suyak bo‘g‘imlarining yoshini qanday uzaytirish mumkin?

Qabziyat dardining oldini olish mumkin

Organizmni chiniqtirish, kundalik rejimni (mehnat, dam olish, uyquni) to‘g‘ri uyushtirish, vitaminlarga boy ovqatlarni iste’mol qilish, sabzavot va ko‘katlarni yeb turish, badantarbiya mashqlari bilan muntazam shug‘ullanish qabziyatning oldini oladi.
Atonik qabziyat bo‘lganda ko‘p harakat qilish, qora non, sabzavot va ho‘l mevalar, grechixa bo‘tqasi, sut-qatiq iste’mol qilish tavsiya etiladi. Nahorda ichilgan bir stakan meva sharbati yoki yangi qatiq ham ich yurishishiga yordam beradi.
Spastik ich qotishida asablarni charchatmaslik, spirtli ichimliklardan voz kechish, achchiq va sho‘r taomlar hamda dorivorlarni kamroq iste’mol qilish lozim.
Kisel, kakao, qaxva, achchiq choy singari ichimliklar, shuningdek xurmo, anor, nok kabi mevalar ichni qotirib yuborishini unutmang. Mevalar – olxo‘ri, o‘rik, olcha (yoki ularning qoqisi), sabzavotlar – qovoq, karam, sholg‘om, sabzi, lavlagi (va ularning sharbatlari) ichning yurishishiga ko‘maklashadi.
Har kuni naxorda bir choy qoshiq toza asal iste’mol qilish qabziyatning oldini oluvchi muhim vositadir.

Ichni yumashtish uchun…

Surunkali qabziyati bor kishilar olxo‘ri mevasi yoki suli (gerkules) donlari qaynatilgan suvni ichishlari lozim. Qirilgan turp suvi hamda iliq holdagi karam suvini ichish ham ichak faoliyatini yaxshilaydi.
Sano barglari qadimdan buyon surgi sifatida ishlatib kelinadi. Qabziyatni davolash uchun sano barglaridan 10-15 gramm olib bir stakan qaynab turgan suvda bir soatcha damlanadi. So‘ng dokadan suzib olinadi va kechqurun uxlashdan oldin bir stakan ichiladi.

Qabziyatdan xalos bo‘lishda tog‘olcha damlamasi va undan tayyorlangan kompot yaxshi foyda beradi.
Sut va sut mahsulotlari ichni yumshatuvchi omillardan biridir. Agar kishi kuniga bir litrgacha sut ichsa uni ich qotishi bezovta qilmaydi.

Kanakunjut moyi (kastornoye maslo) ham eng yaxshi surgi o‘rniga o‘tadi. Katta yoshdagilar 15-30 gramm, bolalar 5-10 gramm (bir choyqoshiq) kanakunjut moyi ichishlari tavsiya etiladi.
Arpabodiyon hamda shivit (ukrop) dan tayyorlangan damlamalar ichak dam bo‘lishining oldini oladi va qabziyatga yo‘l qo‘ymaydi.

Ushbu maqolani ham o‘qing:  Peshob-nordon diatezi

Yirik tuyilgan (kepakli) jaydari undan va javdar unidan yopilgan nonlar ichak faoliyatini meyorga solishi isbotlangan.
Behi urug‘i ham qabziyatda surgi sifatida qo‘llaniladi. Buning uchun yetilgan behi urug‘i mevadan ajratib olinadi va salqin joyda quritiladi. Bir choyqoshiq behi urug‘i ustiga 200 gramm (bir stakan) qaynoq suv quyib damlanadi. Damlamadan kuniga ovqatdan oldin chorak stakandan uch mahal ichiladi.

Maqolani baholashni unutmang, iltimos!
1 baho2 baho3 baho4 baho5 baho

Loading...

Telegramdagi rasmiy kanalimizga a’zo bo‘ling!

A’zo bo‘lish
loading...

Tegishli maqolalar

51 ta izoh

  1. Mening axvolim yaxsho xech qayirimda ogriq yuq likin erta tongda turganimda ogzimda badbuy xid tarqaladi sunng tufurganda qon ichimdan kiladi keyin kun davomida bu xolay kutilmaydi bu nimadan dalolat tishlarimni davolatsam xam shu axvol likin nasvoy chakaman

  2. Salom mani ıchim qotib qovoti 2-3kun boldi, hojatga chikomiy koldim kuchanib ammallab chikkan edim yuzimga alergetik binimalar chikib ketti buni sababi nima va davosiga qanaqa dorilani tavfsiya kilasiz doğ bop kolganga uhshab koldi javob uchun oldindan raxmat.

    1. Qabziyat yuzaga kelganda, axlat tarkibidagi zaharli moddalar ham ichak orqali so’rila boshlaydi va buning natijasida yuzda turli toshmalar toshishi mumkin. Maslahatimiz, terapevt qabuliga borib kerakli muolajalarni oling. Uzr, biz dori tavsiya qila olmaymiz.

  3. assalomalekum mani ichim ikki yildan beri kelishu juda qiyin agar dori ichmasam 1 xaftaxam xojatga bora olmayman senadeksin degan dori ichib turar edim xozir ixam yordam bermay qoydi iltimos maslaxat bering

  4. Man bir necha yillardan beri ich qotishdan qiynalaman. Hamma narsa qilib Kirdim. uch kunlab kelmayabti va natijada yuzimga va badanimga toshmalar chiqib ketayapti. Buning sababi nima? Qanday oldini Olish mumkin. Oldindan raxmat…

  5. Assalomu aleykum menda qorin kop guldiredi dam boladi ich kelish rejim buzulgan kabziyat utkir ichak sindiromi ichaklar shamollagan deyishdi davolandim foydasi unchalik bomadi osma ukol osam davlenam oshib ketdi tabiy yol bilan davolasa bolabimi teraterapevt yahshimi gastroenterolog ga uchraganim makulmi

    1. Gastroenterolog aynan hazm tizimi kasalliklari bilan shug’ullanuvchi tor soha mutaxassisi, shuning uchun ham bu kabi muammolar bilan bevosita gastroenterologga murojaat qilishingiz mumkin. Kerakli maslahatlarni tekshiruvlardan keyin vrachdan olasiz.

Fikr bildirish

Sizning emailingiz chop etilmaydi. To‘dirish zarur qatorlar * bilan belgilangan.

Close