Meningit nima

Meningit – miya pardalarining o‘tkir yallig‘lanishi bilan kechadigan yuqumli kasallik. Meningitning og‘ir turlari bolalik davrida ko‘p kuzatiladi. Katta yoshdagilarda meningit kam uchraydi va biroz yengil kechadi.

Sabablari. Meningit yuqumli kasallik bo‘lib, u turli viruslar va bakteriyalar sababli rivojlanadi.

Belgilari. To‘satdan bolaning tana harorati 40°S gacha oshadi, kuchli bosh og‘rig‘i paydo bo‘ladi, ketma-ket qusadi, boshi orqaga qayrilib yotib qoladi. Biroz vaqt o‘tmay bola xushini yo‘qotib komaga tushishi yoki tutqanoq xurujlari kuzatilishi mumkin. Meningitning ba’zi turlarida tanaga toshmalar toshib ketadi.

Yordam qanday ko‘rsatiladi?
Zudlik bilan “Tez yordam” chaqiriladi va bola shifoxonaga olib boriladi. Bemorni uyda qoldirish mutloqo mumkin emas. Bemor yotgan uy dezinfeksiya qilinishi va oila a’zolari vrach tekshiruvidan o‘tib nazoratga olinishi lozim.

Davolash qanday olib boriladi?
Meningit tashxisi bilan davolash yuqumli kasalliklar shifoxonasida olib boriladi. Agar bemor o‘z vaqtida shifoxonaga olib borilsa, u 10 kun ichida tuzalib ketadi. Bemor komaga tushgan holatlarda davolash muddati cho‘zilib ketishi va asoratlar qolishi mumkin. Shu yerda men bitta muammoni aytib o‘tmoqchi edim. Ba’zi ota-onalar boladan orqa miyani punksiya qilib miya suyuqligini tekshirishga to‘sqinlik qilishadi. Ushbu muhim tekshiruvga to‘sqinlik qilish aslo mumkin emas. Bu tekshiruvni bolaning ota-onasi ruxsatisiz tibbiy ko‘rsatmalarga binoan vrach bemalol o‘tkazishi lozim. Chunki miya suyuqligini olib tekshirib turish, miyaning ichki bosimi oshib ketishining oldini oladi va bemor komaga tushmaydi. Xatto komada yotgan bemor xushiga keladi, miya ortiqcha yiringli suyuqlikdan ozod bo‘ladi va uning o‘rniga toza miya suyuqligi ishlab chiqariladi.

Asoratlari qanday?
Aksariyat hollarda hech qanday asorat qolmaydi. Biroq davolash kech boshlangan holatlar yoki meningitning og‘ir turlarida turli asoratlar qolishi mumkin. Bunday bolalarda surunkali bosh og‘riqlar, o‘ta injiqlik va jizzakilik, miya ichki bosimining surunkali tarzda oshib borishi, xotira buzilishlari, parishonxotirlik kabi asoratlar vujudga kelish havfi bor. Juda kam holatlarda eshitish pasayishi, tutqanoq xurujlari va aqliy rivojlanishdan orqada qolish rivojlanadi. Bunday bolalar nevropatolog nazoratida davolanib yurishlari lozim.

© Professor Professor Z. Ibodulaev.

© «Asab va ruhiyat» kitobi.

Avitsenna.uz sayti orqali mavzuga aloqador quyidagi maqolalarni ham o‘qishingiz mumkin:

8 комментариев

  1. oz ozidan konglim oziyabdi qusmayabman bu xol ancha vaqtdan beri otib ketmayabti, ichim achiwib darrovda qornib ochibketyabdi. bu qanaqa kasallik, xomilaga test qildim bundanmas ekan.

  2. Zarifboy Ibodullaev

    Assalomu alaykum Avisenna.uz xodimlari. Mening maqolalarimni Sizlarning saytda ko’rib qoldim. Bu maqolalar va kitoblar orqasida mening katta mehnatim yotibdi. Muallifning ruxsatisiz va uning ism-sharifini ko’rsatmasdan maqola chiqarish qonunga xilof. Buni yaxshi bilasiz. Xalq salomatligi uchun foydali ishga qo’l uribsizlar. Bu yaxshi! Barcha joyda Professor Z. Ibodulaevning «Asab va ruhiyat» nomli kitobidan olindi deb ko’rsatinglar. Hurmat bilan, Z.Ibodulaev.

  3. Аноним

    salom man trenirofkada duwdab cq kocaga cqanimda bowimni tepa qsmi azgina muzladi va sal ogridi 1dan keyinam c6mlmasamam wunaqa b6ldi bu nmada keyin tepada asoratlarni k6pi manda kutatilgan iltimos yordam berila

  4. salom man trenirofkada duwdab cq kocaga cqanimda bowimni tepa qsmi azgina muzladi va sal ogridi 1dan keyinam c6mlmasamam wunaqa b6ldi bu nmada keyin tepada asoratlarni k6pi manda kutatilgan iltimos yordam berila

  5. bosh miya emirilishi qanaqa kasalik u kasalikni davolab tuzatsa boladimi iltimos yordam berilar javobilani intizoorlik bilan kutaman.

  6. Salom menga meningit kasalligi tashxisi quyildi davolanib chiqtim xozir menda bosh og’rig’i kuchli bazida boshim og’rig’iga chidolmay qolaman.endi bu kassalik tufayli meni xar doim boshim og’rig’i tugamaydimi?

So‘rov qoldirish

Sizning emailning chop etilmaydi.To‘ldirilishi zarur qatorlar * bilan belgilangan *

*