Homiladorlik belgilari. Homiladorlikni erta aniqlash va uning ahamiyati

Homiladorlik belgilari, uning dastlabki alomatlari har bir ayolda turlicha bo‘ladi. Homiladorlikni orzu qilib yashayotgan ayol bu alomatlarni bilib, o‘zida tezroq his etishni istaydi. Axir homiladorlik bu juda ajoyib, o’zgacha bir davrdir.

Homiladorlik belgilari o‘ziga xos xarakterli simptomlar bilan o‘zini namoyon qiladi, bular homiladorlikning har qanday bosqichlarida turlichadir. Organizmning individual xususiyatidan kelib chiqqan holda har xil kechadi. Quyida homiladorlikning asosiy simptomlari haqida sizga ma’lumot berib o‘tamiz.

homiladorlik belgilari
Foto: Mama66.ru

Homiladorlikning eng birinchi belgilari

Ayol homiladorligini qancha erta aniqlasa shuncha ko‘proq vaqt malakali maxsuslashgan tibbiy tekshiruvlardan o‘tishga imkoni bo‘ladi. Tuxum hujayra urug‘langandan keyin ayol organizmida qator gormonal o‘zgarishlar kuzatiladi, bularni organizmga quloq solib aniqlasa bo‘ladi.

  • Hayz kelmasligi. Ushbu simptom haqida barcha ayollar bilishadi. Tuxum hujayra urug‘lanishidan hayz (menstrual) siklining cho‘zilishi kuzatiladi, chunki bachadon endometriysi endi homilaning platsentasi hosil bo‘lishi uchun sarflanadi. Ammo ayrim kasalliklarda ham hayz siklining uzayib ketishi mumkinligini unutmaslik lozim.
  • Sut bezlarining kattalashishi va og‘riqli bo‘lishi. Sut bezlari gormonal o‘zgarishlarga juda sezuvchan bo‘ladi. Homiladorlikning ilk kunlarida bezlar kattalashgan so‘rg‘ichlar og‘riqli bo‘ladi.
  • Ko‘p siyish. Homiladorlik boshlanganda ayol ko‘p siydik ajralishi kuzatiladi. Ushbu holat XGT (xorionik gonadotropin gormoni) ko‘p ishlab chiqarila boshlangandan dalolatdir. Siydik qopi to‘lmasa ham kechqurunlari ko‘p marta hojatxonaga chiqish kuzatiladi.
  • Tam bilishning o‘zgarishi. Gormonlar ayol organizmining ta’m bilish xususiyatlarini o‘zgartirib yuborishi natijasida, oldin yoqtirmagan ta’mlarni yoqtirib qolishi mumkin. Bundan tashqari og‘izda metal mazasini sezish ham homiladorlik belgilaridan biridir.
  • Holsizlik va uyquchanlik. Bu simptom organizmda moddalar almashinuvi tezlashganligi sababli organizm charchab qolishi va progesteron gormonining uyquchanlik chaqirishi sababli kuzatiladi.
  • Ko‘ngil aynashi. Ushbu simptomlarning paydo bo‘lishi ko‘pincha homilaning 1,5 oylik davrlaridan boshlanadi, ba’zi ayollarda urug‘langan so‘ng ham kuzatilishi mumkin. Shuni yodda saqlash zarurki, ko‘ngil aynashga sabab oshqozon ichak trakti kasalliklari ham sabab bo‘lashi mumkin.
Ushbu maqolani ham o‘qing:  Homilador ayol uchun eng foydali mahsulotlar

Nima uchun homiladorlikni erta aniqlash ahamiyatli?

Homiladorlikni boshida kechirayotgan har bir ayol homiladorlikni ilk belgilari qanday ekanligini bilishi muhimdir. Bu muhimlik quyidagi sabablarga bog‘liq:

Agar ayol organizmi homilaning yetilishiga tayyor bo‘lmasa yoki boshqa patologiyalar bo‘lsa homiladorlikni to‘xtatish ayol organizmini hayotini saqlashi va sog‘lig‘iga ziyon qilmasligi mumkin.

Birinchi belgini qachon kuzatsa bo‘ladi?

Bu ayolning individual xususiyatiga bog‘liq. Erta belgilar urug‘langandan so‘ng 8-9 kun ichida seziladi.

Homiladorlikning ikkilamchi belgilari

homiladorlikni aniqlash yo'llari
Foto: Mama66.ru
  • Homiladorlik belgilari sifatida bazal temperaturaning oshishi;
  • Progesteron gormoning ko‘plab ishlab chiqarilishi natijasida tana harorati 37 gradusgacha ko‘tarilishi mumkin;
  • Chanoq sohasida og‘irlik hissini sezish – ushbu sohada qon aylanishi ko‘payadi, ayol bosim va og‘irlikni seza boshlaydi.
  • Uyqusizlik – charchash hissi ko‘pincha asab qo‘zg‘aluvchanligiga olib kelishi natijasida uyqusizlik kuzatilishi mumkin.
  • Belda og‘riq sezish – bel sohasida simmilovchi og‘riqlarni sezish mumkin. Ammo buyrak kasalliklarida ham og‘riq kuzatilishi mumkin.
  • Bosh og‘rig‘i – gormonal o‘zgarishlar asab tizimiga ta’sir qilganligi sababli bosh og‘rish kuzatilishi mumkin.
  • Ishtahaning ochilishi – moddalar almashinuvi tezlashuvi fonida ishtaha ochiladi.
  • Hid bilish va ta’m bilishning kuchayishi – agar oldinlari ayol ba’zi hidlarga e’tibor bermagan bo‘lsa, homiladorlikda hidlarga sezuvchanligi ortadi.
  • Qo‘zg‘aluvchanlik va kayfiyatning o‘zgarishi – ko‘pchilik ayollar jaxldor va kayfiyati tez-tez o‘zgarib turuvchi bo‘lib qolishadi.
  • Implantatsion qon kelish – urug‘langan tuxum hujayraning bachadon shilliq qavatiga birikish paytida ayol qinidan qon aralash suyuqlik kelishi homiladorlikning ikkilamchi alomatlaridan biri hisoblanadi;
  • Tana vaznining o‘zgarishi – ayol organizmi homilani ozuqa bilan ta’minlab berishi uchun tana vazni ortishi kuzatiladi.
  • O‘tirgan vaqtda noqulaylik – chanoq bo‘shlig‘iga qon kelishi ko‘payganligi sababli bo‘ladi.
  • Yuz, qo‘l va oyoqlarning shishi – homiladorlikda organizm ko‘proq suyuqlik ushlab qolishga harakat qiladi. Su sababdan ham yuz, qo‘l, oyoqlarda turli darajadagi shishlar kuzatiladi.
  • Yuzdagi har xil toshmalar – ayol oldinlari terisi bilan hech qanday muammolar bo‘lmagan bo‘lsada, homiladorlikda yuzda husnbuzarlar (ugri) toshadi. Bu gormonal disbalans bilan tushuntiriladi.
  • Qorin dam bo‘lishi – gormonlarning ichakka yumshatuvchi ta’siri natijasida ichaklarda meteorism kuzatiladi.
  • Ko‘krak sohasida venoz qon tomirlar surati kuchayishi – homiladorlik boshlangandan so‘ng organizm uni oziqlantirish uchun ham tayyorlanib boradi, vezon qon tomirlar surati laktatsiya jarayoni boshlanayotganligidan dalolatdir. Ko‘krak so‘rg‘ichi rangi ham to‘qlashadi.
  • Yuz terisining rangi qizarishi – gormonlarning kapillyarlarga ta’siri natijasida qon tomirlar kengayadigan bo‘lib qoladi.
  • Qorinning oq chizig‘ida pigmentatsiyaning buzilishi – homilador ayollar uchun xarakterli bo‘lgan simptom kindikdan qov simfizigacha hosil bo‘lgan “yo‘lakcha” paydo bo‘ladi.
  • Immunitetning susayishi – homiladorlik paytida immun sistema sustlashganligi sababli ayol organizmi oddiy O‘RVI va shamollashlarga duchor bo‘lishi oson bo‘lib qoladi.
Ushbu maqolani ham o‘qing:  Ayollar uchun maxsus: Soch ulatish

Ovulyatsiyadan keyin ayol homilador bo‘lishi mumkinmi?

Ha. Ovulyatsiyadan keyin ya’ni tuxum hujayralar chiqib ketgandan keyin 2 kun o‘tib homilador bo‘lish mumkin.

Emizikli vaqtdagi homiladorlik

Yosh ayol yangi tug‘ilgan chaqaloqni emizikli davrida bo‘lsa, u quyidagi o‘zgarishlarni sezsa homiladorlik boshlangan bo‘ladi:

  • Sut tarkibining o‘zgarishi. Gormonlar ta’siri ostida ona suti tarkibi o‘zgarib bola sutni emmay qo‘yadi.
  • Sut bezlarida sut kelishining kamayishi.
  • Emizayotgan paytdagi noqulayliklar. Gormonlar ta’siri ostida sut bezlari qattiqlashadi, so‘rg‘ichlar qo‘pollashadi va kattalashadi.

Qaysi holatlarda yuqoridagi simptomlar homiladorlik belgilari bo‘la olmaydi?

Shuni esdan chiqarmaslik kerak, agar ayolda surunkali kasalliklar bo‘lsa, simptomlarni aniqlashda faqatgina tibbiy ko‘rik yordam bera oladi.

Qaysi holatlarda homiladorlik patologiya bilan kechayotgan bo‘ladi?

  • Kuchli og‘riq hissini sezish. O‘ng yoki chap qovurg‘a osti sohalarida vaqti vaqti bilan kuchli takrorlanib turuvchi og‘riq sezilsa homiladorlik patologiya bilan kechayotgan bo‘ladi.
  • Takrorlanib turuvchi qindan og‘riq bilan keluvchi qonli suyuqliklar.
  • Homiladorlikning belgilarining o‘z vaqtida paydo bo‘lmasligi.

Ushbu alomatlar quyidagi asoratlarning rivojlanishini ko‘rsatishi mumkin:

  • Ektopik (bachadondan tashqari homiladorlik) homiladorlik;
  • Spontan abort (homila tushishi);
  • Homila rivojlanishining kechikishi.

Homiladorlik belgilari: birinchi kunlarda nima ro‘y b?

Ayol jinsi hujayralarining urug‘lantirilishi, uning bo‘linishi va embrionga aylanishi amalga oshiriladi. Bundan tashqari, tuxum, bachadon naychasidan bachadon bo‘shlig‘iga ko‘chib o‘tadi, u yerda shilliq qavatiga “joylashib” oladi. Ushbu davrda homiladorlik alomatlari sezilmasligi mumkin.

Homiladorlikning dastlabki bosqichlarida diagnostikasi

Zamonaviy, ixtisoslashtirilgan diagnostika usullari homiladorlikning 5 kunidan homiladorlik belgilari aniqlash imkonini beradi. Homiladorlikning 3 kunlik belgilarini deyarli aniqlash imkonsizdir.

Homiladorlik testi

Test homiladorlikning ilk davrlarida har doim ham aniqlab bera olmaydi. Chunki XGT (xorionik gonadotropin) gormoni 14-kundan boshlab ko‘payadi.

Ginekologik tekshiruvda homiladorlik alomatlari

Ginekologik tekshiruvlar natijasida, mutaxassis homiladorlik davrida yuzaga keladigan belgilarni aniqlashi mumkin.

  • Bachadon hajmining kattalashishi va konsistensiyasi o‘zgarishi.
  • Tashqi jinsiy a’zolarning rangi o‘zgarishi.
  • Bachadon harakatchanligi oshishi.
  • Bachadonning siljishi.
Ushbu maqolani ham o‘qing:  Rejalashtirilmagan homiladorlikdan saqlanish usullari

UTT (UZI) – ultratovush tekshiruv

homiladorlikni aniqlash
Foto: www.hochudetey.ru

Homiladorlik belgilarini aniq ko‘rsatib beruvchi tekshiruv usulidir. Ultratovush tekshiruv (UTT) homiladorlikning 3-haftasidan boshlab aniqlab beradi. Tekshiruv abdominal yoki transvaginal datchiklar yordamida o‘tkaziladi. UTT dan tashqari, hayz davrining 20-kunida homiladorlikning belgilari ekspress usullar yordamida aniqlash ham mumkin.

Homiladorlik paytida hayz ko‘rish mumkinmi?

Tibbiyotda “rangli homiladorlik” degan atama mavjud. Bunda tuxum hujayra urug‘langandan keyin 3-4 oy davomida ham ayol hayz ko‘rib turadi. Faqat qindan kelayotgan hayz suyuqligi kam miqdorda, lekin og‘riqlari nisbatan kuchliroq bo‘ladi.

Homiladorlik belgilari paydo bo‘lsa, ayol nima qilishi kerak?

Agar jinsiy munosabatdan keyin homiladorlik belgilarini o‘zingizda sezsangiz, darhol ginekolog huzuriga borishingiz lozim. Homiladorlik tasdiqlansa va bo‘lajak ona sifatida homilani saqlab qolmoqchi bo‘lsangiz, mahalliy shifoxonadan ro‘yxatga yoziling. Bolani dunyoga keltirish juda katta ma’suliyatdir, shuning uchun har qanday zararli odatlardan vos keching, ovqat ratsionini esa foydali mahsulotlar bilan to‘ldiring.

Bundan tashqari, homiladorlikka oid foydali kitob, jurnal, sayt va mobil ilovalardan foydalanishingiz lozim. Homiladorlik uchun zarur bo‘lgan maslahatlarni bizning Avitsenna.uz saytidan topishingiz mumkin. Yoki android mobil qurilmalar uchun mo‘ljallangan Google Play dasturlar do‘konidan “Lalu — Homiladorlik maktabi” kabi mobil ilovalarni bepul yuklab olib, butun homiladorlik davri davomida kuzatiladigan o‘zgarishlarni haftama-hafta kuzatib borishingiz kerak. Chunki homiladorlik alohida masʼuliyatli davr bo‘lganligi, sizdagi o‘zgarishlar bevosita bo‘lajak farzandingizga ham taʼsir qilganligi sababli, homiladorlikka oid bilim va ko‘nikmalaringizni oshirib borishingizga to‘g‘ri keladi. Bu kabi muhim vazifani “Lalu — Homiladorlik maktabi” dasturi orqali osonroq ado etishingiz mumkin. Quyidagi tugmacha orqali Google Play dasturlar doʻkoniga oʻtib, “Lalu — Homiladorlik maktabi” dasturini bepul yuklab oling.

Mavzuga aloqador foydali maqola: 

© Ilona Ganshina, ginekolog.
 Mama66.ru
Maqola 02.05.2020 sanasida yangilandi.

Foydali maqolalarni Telegram kanalimizda kuzatib boring!


Tegishli maqolalar

145 ta izoh

  1. Salom menda 29 martda xayz kegandi aprel oyida kemadi xozir xayz kunidan 5 kun otib ketti lekin xaligacha yoq belimda ogriq bor tortiwib ogridi iwtaxam yaxwi konglim aynimidi kokragimda xam ogriq bor lekin test qilsam salbiy natija beryabti yana necha kun otib test qilsam boladi

    1. Hayz kechikishi yoki hayzning bo’lmasligi homiladorlikning absolyut alomati emas. Shuningdek, homiladorlik testini noto’g’ri o’tqazayotganligingiz sababli ham salbiy natija berayotgan bo’lishi mumkin. Homiladorlikni tasdiqlash uchun hududiy shifoxonangizda ginekolog ko’rigidan o’ting.

  2. Salom meni bilishim boyicha patalogiya holat ong va chap tomonda ogʻriq qinda tashqariga chiqsam ogʻriq boʻladi lekin tez tez chiqaman quruq holatda kongil aynishi bor ginekologiya vrachga uchradim hech narsa aniqlanmadi bunday holatta nima qilsa boʻladi oldindan raxmat

    1. Savolingizga to’liq tushunmadik. Umuman sizda hayz kuzatilayotgan vaqtda, homiladorlik testi qilishdan ma’no yo’q. Chunki ovulyatsiya bo’lib, urug’lanish kuzatilib, homiladorlik yuz bersa, hayz ko’rish to’xtaydi. Va aloqada bo’lib, navbatdagi hayz siklingiz kuzatilmasa homiladorlikka shubha qilishingiz va test o’tqazishingiz maqsadga muvofiq bo’ladi.
      Tavsiyamiz, ovulyatsiya, homiladorlik testi kabi maqolalarimizni qayta o’qib chiqing.

  3. Sweeping alekum men hozir turkiyadaman speralim not ammo xayz kormadim 1 Yarim oy boldi bundan oldim menda umuman oy surish kuzatilmagan 2 marta test qilib kordim chiqmadi òtirganimda noqulaylik his qilyapman kop xojatga kiryapman yogli narsa yiyishni xohlamayapman kayfiyatim tez òzgaryapti bunga nima diysiz siznincha bu kasallikmi yo homiladorlik

Fikr bildirish

E-pochta manzilingiz chop etilmaydi. Majburiy ma'lumotlar * bilan belgilangan

Back to top button