TORCH – homila zavoli

Dunyoning barcha mamlakatlarida uchrovchi va homila rivojlanishiga salbiy ta’sir etishi bilan xavfli bo‘lgan TORCH bir qancha infeksiyalar guruhidir.

torch

 

TORCH qisqartma so‘z bo‘lib, quyidagi kasalliklarning bosh harflaridan olingan:

T – Toxoplasma (toksoplazmalar – bir hujayrali tekinxo‘r organizm. Ular odam va turli sut emizuvchi hayvolarda parazitlik qilib, juda og‘ir kasalliklarni keltirib chiqaradi. Bu parazit bemorning boshi va orqa mushaklarida, shuningdek, qonida ham uchraydi);
O – Others (boshqalar: enterovirus, parvovirus B19, gepatit B, C, OIV, zaxm)
R – Rubella (qizilcha )
C – Cytomegalovirus (sitomegaliya)
H – Herpes simplex virus (gerpes I/II)

Toksoplazmoz

Toksoplazmoz — asosan belgilarsiz kechuvchi, biroq past immunitetli odamlarda va onadan homilaga yuqqanda asab tizimi, yurak mushaklari va boshqa a’zolarni zararlovchi xastalik. Uning manbai Toxoplasma gondii deb nomlanuvchi jonivor. Mahalliy tarqatuvchisi esa mushuklar bo‘lib, toksoplazma qo‘zg‘atuvchisi bilan zararlangan go‘sht mahsulotlarini iste’mol qilish oqibatida sut emizuvchi jonivorlar va odamlarga yuqadi. Onadan homilaga o‘tishi esa homila rivojlanishiga jiddiy xavf soladi. Biroq homiladorlikkacha bo‘lgan davrdagi zararlanish homila uchun xavfli emas, chunki to‘qimaga o‘rnashgan infeksiya homila uchun aytarli xavf tug‘dirmasligi kuzatuvlarda o‘z isbotini topgan. Agar ona homiladorlik vaqtida Toksoplazmoz bilan xastalansa, u qon orqali homilaga o‘tishi va asosan 12 haftalikkacha bo‘lgan homiladorlik mobaynida katta xavf tug‘dirishi mumkin. Toksoplazmozdan saqlanish uchun tozalikka rioya qilish, go‘shtni yaxshi pishirish, xom go‘sht bilan ishlagandan so‘ng qo‘llarni va ishlatilgan buyumlarni yaxshilab yuvish lozim. Kasallik virusi ta’sirida turg‘un immunitet hosil bo‘ladi.

Qizilcha

Qizilcha — asosan 2–10 yoshli bolalarni zararlovchi, yengil isitma va mayda qizil toshma bilan namoyon bo‘ladigan, katta yoshlilarda va homiladorlikda og‘ir kechuvchi virusli kasallik. Uning manbai kasallikning turli shakillari bilan og‘rigan bemor. Sog‘lom odamga havo-tomchi yo‘li orqali, bolaga onasidan o‘tadi. Qizilcha viruslarining homilaga tasiri homiladorlik bosqichlariga qarab, turli darajada bo‘ladi: ayol homiladorlikning birinchi uch oyligida qizilcha bilan og‘risa, homilaning zararlanish ehtimoli 60–85 foizni, ikkinchi davrida 15–20 foizni, uchinchi davrida esa 5 foizni tashkil etadi. Homilador ayol qizilcha bilan og‘rigan bemor bilan muloqotda bo‘lsa, albatta, zaruriy tahlillar topshirishi, ya’ni qonda qizilchaga qarshi antitanachalarning paydo bo‘lgan-bo‘lmaganligini aniqlash lozim. Homiladorlikning ilk uch oyida zararlanish alomatlari aniqlansa, bolani oldirish tavsiya qilinadi.

Ushbu maqolani ham o‘qing:  Ko‘krak plastikasi – kichiklashtiruvchi mammoplastika

Tug‘ma qizilcha bilan dunyoga kelgan bolalarda katarakta, yurak nuqsonlari va neyrosensor karlik kuzatilishi mumkin. Bu kasallikdan keyin turg‘un immunitet hosil bo‘ladi.

Sitomegalovirusli infeksiya

Sitomegalovirusli infeksiya (SMVI) — asosan klinik belgilarsiz o‘tuvchi, ba’zan markaziy nerv tizimi va ichki a’zolarni og‘ir zararlaydigan, homiladorlik kechishiga salbiy ta’sir ko‘rsatadigan virusli kasallik. Sitomegalovirus butun umri davomida bemor vujudida saqlanib turishi bilan xavfli. Virus jinsiy yo‘l bilan, homilaga esa qon orqali yuqadi. Sitomegalovirus organizmga kirib, immun tizimini kuchsizlantirib bo‘lgach, asoratlarini ko‘rsata boshlaydi.

Homilaning dastlabki oylardanoq SMVI bilan zararlanish homilaning nobud bo‘lishiga olib kelishi mumkin. Homiladorlikning so‘nggi davrlarida zararlanish a’zolar tuzilishida jiddiy o‘zgarishlarga olib kelmasa-da, bola tug‘ilgach, sariqlik, qon ketishi, o‘pka yallig‘lanishi va markaziy asab tizimining zararlanishi kabi asoratlar kuzatiladi. SMVI bilan kasallangandan so‘ng turg‘un immunitet hosil bo‘lmagani bois, qayta kasallanish ehtimoli bor.

Oddiy gerpes

Oddiy gerpes (OGV) — dunyoda eng ko‘p tarqalgan virusli infeksiyalardan biri. Uning 2 turi mavjud. OGV-1 bilan zararlanish dunyoda 90-95 foiz, OGV-2 bilan zararlanish esa 20-30 foizgacha yetadi. Oddiy gerpes homiladorlikning og‘ir kechishi, bolaning muddatidan ilgari tug‘ilishi, ona qornida rivojlanmay qolishi yoki homila tushishiga olib keladi.

Virus manbai bemorlardir, ya’ni havo-tomchi, jinsiy yo‘l orqali yoki onadan homilaga yuqadi. Aniqlanishicha, homiladorlikning birinchi choragida OGV yuqishi bolaning gidrotsefaliya (miya qorinchalarida orqa miya suyuqligining ko‘payishi bilan kechuvchi kasallik), yurak nuqsonlari, katarakta, karlik, siydik-tanosil a’zolari, oshqozon-ichak tizimi nuqsonlari bilan dunyoga kelishiga sabab bo‘ladi. Virus homiladorlikning ikkinchi va uchinchi davrida yuqsa, jigar va taloqning kattalashishi (gepatosplenomegaliya), anemiya, sariqlik, gipotrofiya (organizmning darmonsizlanib, ozib ketishi), pnevmoniya kabi asoratlarni yuzaga keltiradi.

Ushbu kasallikdan so‘ng ham turg‘un immunitet hosil bo‘lmaydi va takroran kasallanish holatlari kuzatiladi.

Ushbu maqolani ham o‘qing:  Follikula nima? Follikulaning normal yetilishi va patologik holatlari

TORCH-infeksiyasi so‘zi tarkibidagi (Others) boshqa virusli xastaliklar ham shu kabi jiddiy oqibatlarni yuzaga keltiradi.

Ota-onaning immuniteti baland bo‘lishi, gigiyena qoidalariga amal qilishi, o‘z organizmiga hurmat bilan qarashi va, albatta, palapartish jinsiy hayotdan tiyilib, xiyonat ko‘chasiga kirmasligi farzandning sog‘lom tug‘ilishini kafolatlaydi.

Niso.uz nashri.

 

Foydali maqolalarni Telegram kanalimizda kuzatib boring!


Tegishli maqolalar

33 ta izoh

  1. Cytomegolovirus, herpes, rubella infeksiyalari sababli homila spina bifida bulishi mumkinmi? Iltimos maslahatingla juda zarur 3 Marta kiserva bolib bola ololmadim yana 4 — siga harakat qilmoqchiman oilam uchun…

    1. Virusli infeksiyalar natijasida Spina bifida yuzaga kelishi mumkin. Ginekolog vrach bilan maslahatlashing. Kasallik tarixingizga qarab homiladorlik mumkin yoki mumkin emasligi haqida ma’lumot beradi.

  2. Assalomu alekum opajon yaxwimisiz xayitlariz bn sizga bitta sovolim boridi toyimga 8oy boldi toyimga lekin xomilador bolmadim manda 3 infeksya chiqdi 4 oya beri lechenya oliwimiza lekin xich ozgariw bomayapti yaxwi vrach topiberolismi

  3. Menda ham TORCH haqida savolim bor. Iyun oyida davolanib boshladim. Dorilarni olib bolgandan keyin yana qon topshirganimda infektsiyalar kamaygandi. Ammo yaqinda yana qon topshirsam CMV 1,99 chiqdi. Boshqa vrachga borgandim. Qimmat dorilarni yozib berdi. Qaysi vrachga ishonishni ham bilmayapman.

  4. 1yil oldin torchga davolandim hozir 6oylik homiladorman har 2oyda qon topshirdim torchga hammasi yahshi chiqdi endi torchga topshirmasam buloradimi

  5. Salom.Homilam 15 kunlik ya’ni ikki haftalik bo’lib tushib qoldi.Bunga sabab Torch infeksiyasimi yoki boshqa omillar va nima sababdan bunday bo’ladi jismoniy zo’riqish bo’lmagan taqdirda

  6. Assalomu alaykum
    Man hali turmushga chiqmaganman.
    Bundan 2 yil oldin Torch infeksiya chiqqandi
    Hozirda unga qarshi immunitet hosil boʻlgan boʻlishi mumkinmi

  7. Hozr homilam 26 haftalik uchotga turish un qon topshirgani borganimda torch borligini aytishdi qachon paydo bo’lganini bilmayman 1 marta davolandim uydagilar etibor berishmayapti ozim qo’rqyapan davosi bormi

  8. Assalom aleykum kecha erim bn TORCH ga analiz topshirdik 2ovimizdan xam infeksiya chiqdi, tuyimizga 2yil boldi 1chi homilam nobut boldi, hozirda 5oylik bolam bor 3oy emizdim,bolamni ichi yashil bb suvday keta boshladi, tekshirtirsak sutimDan oltin stafilakok aniqlandi. 2oydan beri smes beryapman. Hozir 10kun boldi infeksionnida bolamni davolatyapman. Mani tuydan oldin topshirgan analizlarim yaxshi chiqqandi, TORCH infeksiyasi mani qonimga, erimga qanday yuqqan va sutdagi stafilakok chiqishiga xam TORCH infeksiya sabablimi?
    Iltimos savolimni javobsiz qoldirmang

Добавить комментарий

Ваш адрес email не будет опубликован. Обязательные поля помечены *

Back to top button