Tishlarni oqartirish uchun foydali tavsiyalar

Tishlarni oqartirish uchun yetarlicha mahsulotlar mavjud. Ularning ko‘pchiligi kimyoviy oqartirgichlar saqlaydi. Agar siz tishlaringizni kimyoviy moddalarsiz oqartirishni istasangiz ushbu maqola sizga yordam beradi.

Tish sarg‘ayishiga sabab nima?

Foto: Livescience.com

Tish sarg‘ayishi va yaltirashi yo‘qolishiga sabablar juda ko‘p. Bir qancha ovqat mahsulotlari tish emalini qoplab olishi mumkin. Emal qavat tishning eng birinchi tashqi qoplami. Ushbu qavatning qoplam bilan qoplanishi natijasida tishlar sariq holatga kelib qoladi. Buni inson tishlarni regulyar tozalab turish yo‘li bilan bartaraf etishi mumkin. Ba’zi hollarda tish emal qavati yemirilgan bo‘ladi va dentin qavati ko‘rinib qoladi. Dentin tabiiy sariq rangli, suyak to‘qimasidan iborat qavat.

Quyida tishlarni tabiiy yo‘l bilan oqartirish haqida batafsil to‘xtalib o‘tamiz.

Tishlarni o‘simlik moylari yordamida oqartirish (Oil pulling)

Moylar yordamida tishlarni oqartirish Hindistonning an’anaviy va xalq tibbiyotida og‘iz gigiyenasi va mikroblar toksinlaridan xalos bo‘lishning usulidir. Muolaja o‘simlik moylari bilan og‘iz va tishlarni chayqash natijasida tishlar orasida mikroblarni yuvib chiqarishga asoslangan. Buning uchun har qanday o‘simlik moyidan foydalansa bo‘ladi, lekin hindistonliklar ko‘proq kungaboqar moyi va kunjut moyidan foydalanishadi.

Kokos moyi eng ko‘p ishlatiladigan moydir. Chunki uning ta’mi yoqimli va foydali jihatlari ko‘p. Kokos moyi laurin kislotasiga boy. Bu kislota bakteriyalarni o‘ldiradi va yallig‘lanishga qarshi ta’sir ko‘rsatadi. Ko‘pchilik izlanishlar ko‘rsatadiki, har kunlik moylar bilan tishlarni chayish antibakterial va gingivitlarga qarshi samarali ta’sir ko‘rsatadi.

Streptokokk shtamlari gingivit va sariq qoplama hosil qiluvchi oddiy bakteriyalardir. Kunjut moyining so‘lak tarkibidagi streptokokklarni yo‘qotishi isbotlangan. Buning uchun og‘izni 1 haftada 1 marta chayqash yetarli.

Afsuski moy bilan tishlarni chayqash ilmiy jihatdan isbotlanmagan. Shunday bo‘lsa ham bu usul kam xatarli va arzigulik hisoblanadi. Ko‘pchilik insonlar moy bilan tishlarni regulyar chayqash tishlarining oqarishiga sabab bo‘lganligini tasdiqlaydi.

Muolaja uchun 1 choyqoshiq kokos moyini og‘zingizga soling va tishlaringiz bo‘ylab chayqang. Kokos moyi qattiq bo‘lganligi sababli xona haroratida erishini kutishingiz kifoya. Muolajani 15-20 daqiqa davom ettirish kerak. Ahamiyatli jihati kokos moyini hojatxona unitaziga tuflash tavsiya etiladi, chunki u qayta qattiqlashib oqova quvurlarida tiqilishiga sabab bo‘ladi. Boshqa oqartirish usullaridan farqli ravishda o‘simlik moyidan foydalanish tish emalini yemirmaydi.

Ushbu maqolani ham o‘qing:  Sinalgan maslahatlar

Ichimlik sodasi bilan tishlarni tozalash

Ichimlik sodasi tarkibida tishni oqartiruvchi moddalar bor va u ko‘pchilik tish pastalari tarkibida bo‘ladi. Bu moddalar yumshoq bo‘lib, qirish xususiyatiga ega, ammo u tishning tashqi qavatini qirmaydi. Qo‘shimcha sifatida ichimlik sodasi ishqoriy muhit hosil qiladi va bakteriyalarning o‘sishini to‘xtatadi. Ichimlik sodasi tishlarni birdaniga oppoq va yaltiroq qilib qo‘ymaydi, ammo siz vaqtlar o‘tishi bilan uning foydasini sezib borasiz.

Ilmiy izlanishlar ichimlik sodasi tishlarni bevosita oqartishi isbotlamagan bo‘lsada, soda saqlovchi tish pastalar tishlarni oqartirishda yordam berganligini aytib o‘tishgan. Soda saqlovchi tish pastalari va saqlamaydigan tish pastalari solishtirib ko‘rilganda 1 turdagilarning effekti ko‘proq ekanligi o‘rganilgan. Chunki ichimlik sodasi tishlarning sariq qoplamalarini yemirish xususiyati bor.

Muolaja uchun 1 choy qoshiq sodani 2 choy qoshiq suvda eritib hosil bo‘lgan eritma bilan tishlarni tozalash kifoya. Hafta davomida 3-4 marta qo‘llash yetarli.

Vodorod peroksididan foydalanish (H2O2)

tishlarni tozalash
Foto: Durablehealth.net

Vodorod peroksid (H2O2) tabiiy oqartiruvchi va antibakterial modda. Insonlar yillar davomida vodorod peroksididan yaralardagi infeksiyalarni o‘ldirish maqsadida foydalanib kelishmoqda. Ko‘pchilik oqartiruvchi moddalar o‘zida vodorod peroksidini katta konsentratsiyalarda saqlaydi. Afsuski, vodorod peroksid bilan og‘izni chayqash va yuvish tishlarni oqarishiga olib kelishi isbotlanmagan, lekin ko‘pchilik tish pastalari o‘zida vodorod peroksidini saqlashi aniqlangan.

Ichimlik sodasi va 1 % li vodorod peroksidini saqlagan tish pastasining samarali effekti o‘rganilgan. Ushbu tish pastasini qo‘llagan insonlarning 62 %i bir kunda 2 mahal tishlarini yuvib, 6 hafta ichida ularning oqarishiga erishgan. Biroq vodorod peroksidni qo‘llashda ba’zi bir kamchiliklar bor. O‘ta kuchli konsentratsiyali eritma yoki haddan ortiq ko‘p ishlatish milklarning qo‘zg‘alishiga va tishlarning sezuvchan bo‘lib qolishiga sabab bo‘lishi mumkin(!).

Tish yuvishdan oldin vodorod peroksid bilan og‘izni chayqash kerak. Faqat siz 1,5 % li yoki 3 % li eritmadan foydalanayotganingizga ishonch hosil qiling, shunda nojo‘ya ta’sirlardan saqlanasiz. Dorixonalarda 3 % li eritma olib uni suv bilan aralashtirib, 1,5 % li eritma hosil qilish tavsiya etiladi.

Yana bir usul ichimlik sodasi va vodorod peroksidining aralashmasi. 2 choy qoshiq vodorod peroksid (1,5 % li) va 1 choy qoshiq soda aralashmasi bilan tishlarni ehtiyotkorlik bilan tozalashingiz mumkin. Lekin bu aralashmadan ortiqcha foydalanish emal qavatni yemirishini hisobga olib hafta davomida 2-3 marta qo‘llash tavsiya etiladi.

Ushbu maqolani ham o‘qing:  Uy sharoitida yuzni oqartirish

Olma kislotasi (sirkasi) bilan tishlarni oqartirish

Olma sirkasi asrlar davomida tozalovchi va antibakterial modda sifatida foydalanib kelingan. Kislotalik xususiyati bilan bakteriyalarni o‘ldiradi va tishlarni oqartiradi. Ilmiy izlanishda sigirlar tishida olma kislotasi borligi, uning tishlarni oqartirishi va yumshatish xususiyati borligi isbotlangan. Olma kislotasining tishlarni yemirish xususiyati kuchli bo‘lganligi sababli har kuni ishlatish tavsiya etilmaydi. Faqatgina hafta davomida 1-2 marotaba suv bilan aralashtirib bir necha daqiqa tishlarni chayqash kifoya. Unutmang, har bir kislota bilan chayqaganingizdan keyin tishlarni oddiy suv bilan yuvib tashlash kerak.

Meva va sabzavotlardan foydalanish

Meva va sabzavotlarga boy oziqlanish tartibi inson organizmi va tishlari uchun ham juda foydalidir.

Mevalar tish yuvishning o‘rnini bosa olmasada, barra va qarsillab turganlari chaynalganda tishlarni tozalaydi. Ayniqsa, qulupnay va ananasning tishlarni oqartirishda o‘rni katta.

Qulupnay

Qulupnay va ichimlik soda aralashmasi bilan tishlarni tozalash ko‘pchilik mashhur insonlar foydalanadigan usuldir. Ushbu usulni qo‘llab-quvvatlovchilar qulupnay tarkibidagi olma kislotasi tish sarig‘ini yo‘qotadi, soda esa sariq qoplamani yemiradi, garchand, bu usul ilmiy jihatdan isbotlanmagan bo‘lsada.

Muolaja uchun bir qulupnayni ezish va unga 1 choy qoshiq ichimlik sodasi aralashtirish bilan tishlarni haftada 3-4 marta yuvish tavsiya etiladi.

Ananas

Ba’zilar ananasning tarkibida topilgan fermentlar tishning sariq qoplamasini yo‘qotishda foydali deb bilishadi. Ammo ananasning o‘zini iste’mol qilish tishlarni oqartirishda hech qanday foyda bermaydi.

Tishlar sarg‘ayishining oldini olish

Tishlar tabiiy oq bo‘ladi, siz ularni sarg‘ayishdan himoya qilishingiz mumkin.

Sarg‘aytiruvchi ovqatlar va ichimliklarni qisqartiring

Kofe, qizil vino, gazli ichimliklar tishda sariq qoplama hosil qiladi. Bu ulardan to‘liq voz kechish kerak degani emas, ularni iste’mol qilishni me’yorga keltirish kerak. Iloji bo‘lsa, ularni iste’mol qilayotganda tishlar bilan kontakda bo‘lmasligi uchun solomkalardan (trubkalar) foydalaning. Eng muhimi chekish tishlar rangining o‘zgarishiga eng katta omil ekanligini unutmaslik kerak.

Ushbu maqolani ham o‘qing:  Aql tishi nega og‘rib chiqadi?

Shakarli mahsulotlar iste’molini kamaytiring

Tishlarim oq bo‘lsin desangiz shakarli mahsulotlarni kamaytiring. Shakarli muhit streptokokklar o‘sishi uchun ozuqa, ular gingivit va yallig‘lanish chaqiradi. Shakarli mahsulotlar iste’mol qilgandan so‘ng tishlarni tozalash tavsiya qilinadi.

Kalsiy saqlovchi mahsulotlarni ko‘proq iste’mol qiling

Tishlar rangi sarg‘ayishiga kalsiy yetishmasligi ham sabab bo‘ladi. Bunda emal qavati yemirilib, dentin qavati (sariq rangli) ko‘rinib qoladi. Sut, pishloq, tvorog va brokkoli o‘zida kalsiyni ko‘p miqdorda saqlaydi. Ularni iste’mol qilish kifoya.

Tishlar sarg‘ayishi yosh o‘tgan sari ko‘payib boradi, chunki ularni sariq qoplam qoplab oladi. Sog‘lom va to‘g‘ri ovqatlanish, tishlari regulyar ravishda 1 kunda 2 mahal tozalab turish, ular orasidagi ovqat qoldiqlaridan xalos bo‘lish va 1 yilda 1 marotaba tish shifokori ko‘rigida bo‘lish tishlarning har tomonlama sog‘lom bo‘lishining omillaridandir. .

Isbotlamagan boshqa usullar

Quyida isbotlanmagan ammo samarali usullar haqida gapiramiz:

  • Faol ko‘mir (aktiv ko‘mir) kukun holatiga keltirib tishlarni yuvish har xil toksinlardan xalos etadi.
  • Mevalar qobig‘i olma po‘stlog‘I, limon yoki banan po‘sti bilan tishlarni tozalash ham tishlarni oqartiradi.

Bular ilmiy jihatdan o‘rganilmagan bo‘lganligi sababli ularning nojo‘ya ta’siri bor yoki yo‘qligi aniq emas. Berilgan tabiiy usullardan tashqari tish shifokorining preparatlar bilan tishlarni oqartirishi va yaltiroq holatga keltirishini ham unutmang. Agar mavzuga oid savollaringiz yoki fikrlaringiz bo‘lsa, maqola ostiga izoh shaklida yozib qoldiring.

Salomat bo‘ling va doim tabassum qiling! 🙂

© www.healthline.com 
Maqola 04.04.2018 sanasida yangilandi.

 


 

Avvalgi maqola bilan tanishish
Tishlar, bu insonning chiroyiga va sog‘ligiga ta’sir etuvchi eng muhim a’zodir. Biz siz bilan tishni oqartirish yo‘llari haqida gaplashmoqchimiz. Xalqimiz bu usulni ko‘p qo‘llaydi. Balki, siz ham qo‘llagandirsiz.

Demak, tishlarni oqartirish uchun bizga quyidagilar kerak bo‘ladi:

Qadamba-qadam maslahatlar:

  • Avval, 2 osh qoshiq sodani stakanga solamiz.
  • 1ta limon olib, suvini stakanga siqamiz.
  • Yaxshilab aralashtiramiz
  • Paxtani stakandagi aralashmaga botiramiz.
  • So‘ngra, ustki va pastki tishlar ustiga 10-15 daqiqaga qo‘yamiz.
  • Va iliq suv yordamida chayib yuboramiz.
  • Bir hafta mobaynida kuniga bir marta aralashmani qo‘yishda davom etamiz.
Maqolani baholashni unutmang, iltimos!
1 baho2 baho3 baho4 baho5 baho

Loading...

Telegramdagi rasmiy kanalimizga a’zo bo‘ling!

A’zo bo‘lish
loading...

Tegishli maqolalar

17 ta izoh

  1. Assalomu alaykum. Meni ukamni oğzidan noxush hid keladi. Buni bartaraf etish uchun harakat qilyapti. Lekin foyda bermayapti.
    Stamatologga uchrab lichenya ham oldi. Bu biroz muddatga yordam berdi xolos. Yana u holati davom etmoqda.
    Sizdan iltimos oğzidan noxush xid kelishini yõqotish uchun kimga murojat qilish kerak. Õzingiz ham qõshimcha maslahat bersangiz. Javob uchun oldindan rahmat.

    1. Nafas yollaridagi va burun bilan bogliq kasslliklar ham ogizdan nohush hid kelishiga sabab bolishi mumkin

    2. Og’izdan noxush xid kelishining asosiy sababi oshqazon faoliyati yaxshi ishmayotganligi bo’ladi, sharq tabobatidan hamda o’zimning tajribamdan kelib chiqib shuni maslahat beramanki, ukangizga har kuni ertalab notushtadan 30 minut oldin 1 stakan iliqdan issiq qaynatilgan suv ichirin. Buning samarasini 3-4 kunda seziladi. Lekin sog’lik uchun hamma doimiy ravishda ovqatdan oldin iliq suv ichishi foydadan holi emas.

    3. gastroentrologga murojat qilish kerak. Bazan oshqozondagi kasalliklar tufayli og’izdan nohush xid keladi

  2. Assalomu Aleykum!Mening yoshim 15 da.Mening tishlarim noto’gri o’sgan.Shunga xozir briket taqsam bo’ladimi?Ularning narxi qancha o’zi?

  3. Assalomu aleykum, mening singlimning tishlarida sariq dog’lar bor bulardan xolis bo’lish uchun qanday maslahatlar berasiz ? Bunday holat kasallikmi va qanday sabablar tufayli kelib chiqadi ?

    1. Dog’lar emal qavati oralig’ida bo’lsa, ketqazish mushkul. Buni stomotolog yordami bilan bartaraf qilish mumkin. Bunday dog’lar yashash muhitiga bog’liq.

  4. Assalomu aleykum, mening singlimning ko’zlarida vaqti-vaqti bilan qizarish, qichishish alomatlari kuzatiladi bunday holat allergiya tufaylimi yoki biron – bir kasallik tufayli yuzaga keladimi ? Javobingiz uchun oldindan rahmat.

  5. Meni oyog’ bo’g’imlarim va kost yane (Ucha) bo’gimimda og’riq juda kuchli hozir yurolmay qolyapman davolandim yana shunday bo’lyapti davosi bormi

  6. salom men qancha yuvsamham sariq rangda bunga sabab nima? buni oppoq qilishni iloji bormi ham yana tishlarim juda mort sal bosim bolsa sinyapti iltimos bunga nima deysiz mort ligiga qarshi nimadir qilishni iloji bormi yoki kalsiy koproq iste’mol qilishim kerakmi iltimos maslaxat bering

  7. Ovqatlanganimdan keyin doim qornim dam bo’ladi! Ikki-uch soatdan keyin yaxshi bo’ladi. Yana ovqatlangandan keyin yuqoridagi hol qayta takrorlanadi! Bunga sabab nima bo’lishi mumkin. Javob uchun rahmat!

Fikr bildirish

E-pochta manzilingiz chop etilmaydi. Majburiy ma'lumotlar * bilan belgilangan

Close