El sog‘ligi — yurt boyligi

Yuzingiz tovlanishi uchun

Gohida vitaminlar yetishmasligi tufayli bahor faslida yuz terisidagi rangparlik, terining qurishi va qizarishi, o‘lik to‘qimalar, havo haroratining doimiy o‘zgarishi natijasida terining suvsizlanishi kabi holatlar kuzatiladi. Muammoning yechimini topish uchun esa odatiy pardoz vositalaridan tashqari maxsus parvarish jarayonini ham bajarish kerak.

yuz parvarishi

Bunda uy sharoitida tayyorlangan maxsus niqoblar juda qo‘l keladi. Bundan tashqari, niqoblar yuz terisini kerakli vitaminlar bilan ham ta’minlaydi. Sovun, kosmetik sut kabi vositalar bilan yuz terisini yuvishdan tashqari, uni turli shifobaxsh o‘tlardan tayyorlangan tonik va loson kabi vositalardan foydalanib, namlantirib turish lozim. Quruq yuz terisi uchun zig‘ir urug‘i, o‘rtacha yuz terisi uchun esa qizilpoycha va kalenduladan tayyorlangan losonlar mos keladi.

Bunday losonlarni uy sharoitida ham tayyorlash mumkin. Buning uchun bir choyqoshiq quritilgan o‘tni qaynagan suvga solib, 20 daqiqaga yaqin suvli hammomda ushlab turiladi. So‘ng damlama sovitilib, bir necha bor dokadan o‘tkazib, tez-tez chayib turiladi. O‘tli losonni 3-4 kun davomida muzlatkichda saqlash mumkin. Erta bahorda ajinlar ham anchayin sezilib qoladi.

Quruq yuz teri sohibalari uchun smetanali niqoblar tavsiya qilinadi. Buning uchun smetananing o‘zini 15-20 daqiqaga surtish lozim. Yoki niqobni biror foydali mahsulot bilan boyitsa ham bo‘ladi. 50 gr smetanaga 1 choyqoshiq asal, 1 choyqoshiq limon sharbati bilan aralashtirib, niqob tayyorlash mumkin.

Suli yormasidan tayyorlangan niqob yog‘li yuz terisining rangini yaxshilab, ajinlarni yo‘qotadi. Buning uchun bir oshqoshiq suli yormasiga 1 dona ko‘pirtirilgan tuxum, 1 choyqoshiq limon sharbati, 1 choyqoshiq  asal aralashtirilib, niqob tayyorlanadi. Bu niqob ham odatiylari kabi 15-20 daqiqa yuzda ushlanadi.

Yuz terisi rangparligini foydali o‘tlar yordamida ham tiklasa bo‘ladi. Buning uchun 2 oshqoshiq moychechak guli, lipa guli, lavanda va bir oshqoshiq shalfey aralashtirilib, yaxshilab yanchiladi. Aralashma quyuq massa holiga kelishi uchun ustidan qaynagan suv solib, 20-30 daqiqaga tindirib qo‘yiladi. niqob nam yuz terisiga surtilib, 15-20 daqiqadan so‘ng chayiladi.

 Vazira ALIMOVA.
Kosmetolog shifokor.

Telegramdagi rasmiy kanalimizga a’zo bo‘ling!

A’zo bo‘lish
loading...

Savollar

  1. feruza

    Meni yuzimda dog bor nima qilsam boladi

  2. Аноним

    Sut qaymogi olingan boliwi keremi yoki???

  3. Аноним

    Bahor kelishi bn yuzlar qurib qizarib hamda qoraymaslikning yoli bormi???

  4. Xaraza

    tanam va yuzim tashqi ta’sirlar(sovuq, issiq, shamol…) oqibatida tezda qizarib ketadi. Bunga sabab nima? oldini olishni iloji bormi?

  5. Malika

    Yuzmga mayda toshmalar tosh yuzm g’adr budr bo’b qovotti shuning sababi nima da? ?

  6. Bek

    Salom men yuzinni jiraviylarini tozalatgan edin shu joylari qizilqorasimon bölib xuddi doqqa oxshab qoldi 20kun boldi ketmayabdi endi nima qilishim mumkin ishlatmagan kremim qolmadi faqtni javob olsam yaxsh bölasidi

Добавить комментарий

Ваш e-mail не будет опубликован. Обязательные поля помечены *