El sog‘ligi — yurt boyligi

Vitaminlarning ahamiyati

Inson kundalik hayotida turli xil narsalarni iste’mol qilishi mumkin. Uning tarkibida esa turli xil moddalar va vitaminlar mavjud. Inson organizmi uchun A, B, B1, B2, B6, B12, C, D, PP, K vitaminlari nihoyatda zarurdir. Ularning ta’siri inson organizmi faoliyatida juda muhim rol o‘ynaydi. Agar mazkur vitaminlardan birortasi yetishmasa, inson organizmida turli xastaliklarning kelib chiqishiga sharoit tug‘iladi.

Quyida biz ushbu vitaminlarning qanday mahsulotlar va shifobaxsh o‘simliklarda bo‘lishi haqida fikr yuritamiz.

A vitamini. Agar inson organizmida bu vitamin kamayib ketsa, uning ko‘rish qobiliyati pasayadi, jumladan, qorong‘i bo‘lganda ko‘ra olmay qoladi. Shabko‘rlik ham organizmda ana shu vitamin yetishmasligi natijasida paydo bo‘lishi aniqlangan.

Bundan tashqari, A vitamini yetishmasligi oqibatida kishi tanasi sho‘rlaydi, sochlar tagi qurib ketadi, tirnoq esa yumshab qoladi. Bu vitamin ko‘proq sabzi, pomidor, ko‘k no‘xat, qovun, apelsin hamda sut mahsulotlarida bo‘ladi.

B1 vitamini va uning guruhi kamayib ketsa, kishida parishonxotirlik ro‘y beradi, xotira pasayadi, asablari tez shamollaydigan bo‘lib qoladi va ishtahasi bo‘g‘iladi. Bu darmondori go‘ja osh, suli, arpa non, qo‘y go‘shti va yana boshqa bir qator mahsulotlarda bo‘ladi.

B2 vitamini inson organizmida kamayib ketsa, ko‘z yoshlanaveradi, kamqonlik kelib chiqadi, kishi darmonsizlanadi, lablari bichilib ketadigan bo‘lib qoladi, lablar ustida ajinlar ham paydo bo‘ladi. U tuxum, qo‘y go‘shti, xamirturush va pishloqda bo‘ladi.

B6 vitamini organizmda kamayib ketishi natijasida kishi yuragi o‘ynaydigan bo‘lib qoladi. U arpa non, karam, sabzi, qovoq, suzma, pishloq va baliqda bo‘ladi.

C vitamini inson organizmida kamayib ketsa, milklarda og‘riq paydo bo‘ladi, bo‘g‘imlar og‘riy boshlaydi, yaralar tez bitmaydi va kishi tez charchaydigan bo‘lib qoladi. U kartoshka, karam, bulg‘or qalampiri, turli xil oshko‘klar, qulupnay, limon va apelsinda ko‘p miqdorda uchraydi.

D vitamini inson organizmida yetishmasligi oqibatida uni oftob tez uradigan bo‘lib qoladi, sochlari to‘kila boshlaydi. Bu vitamin sut mahsulotlarida ko‘proq bo‘ladi.

K vitamini yetishmasligi oqibatida inson ichak, jigar va buyrak xastaliklariga ko‘proq chalinadi, qon yaxshi ivimaydi. Bu vitamin piyoz, karam, qovoq, ko‘k no‘xat, loviya, ko‘katlar, jigar va tuxumda mavjuddir.

E vitamini yetishmasa, organizmda yog‘ bezlarining faoliyati buziladi. Bunday holda sochlar tez oqaradi va to‘kiladi. Bu darmondori buxanka non, guruchli ovqatlar, jo‘xori go‘ja va jigarda ko‘p miqdorda bo‘ladi.

Yuqorida nomlari qayd etilgan vitaminlar inson organizmida yetishmasa, turli salbiy o‘zgarishlar sodir bo‘lishi mumkin. Tirnoqlar tushib ketishi, bo‘yin qismiga tez-tez chipqon chiqishi, yuzga yara toshishi shular jumlasidandir. Bu xastaliklarda ko‘proq yong‘oq, kungaboqar, kanop yog‘idan foydalanish tavsiya etiladi.

[box type=»info» align=»aligncenter» ]Inson organizmida barcha vitaminlarning o‘z meyorida bo‘lishini ta’minlash uchun yilning to‘rt faslida yetarli miqdorda noz-ne’matlarni iste’mol etib turish zarur. Shunday qilingan taqdirda o‘z organizmimizni sog‘lom saqlaymiz.[/box]

 

Telegramdagi rasmiy kanalimizga a’zo bo‘ling!

A’zo bo‘lish
loading...

Savollar

  1. Sabohat

    Revmatoid artritda, o’rta kamqonlik (gemoglabin 69)da va zob 2darajali bo’lganda qaysi vitaminlarni ko’proq istemol qilish kerak?

  2. jasmin

    kalsiy qaysi oziq ovqatda buladi

    • Urazbaev Mansur

      Savolingizda boshqa bo’limda ham javob berganmiz!
      Kalsiy asosan sut va sut mahsulotlarida juda ko’p bo’ladi.
      Keyingi savollaringizni saytimizning Savvol-javob bo’limida bering, bu sizga ham bizga ham qulay.

  3. Akmal

    Yurakga nimalar foydali ?

    • Urazbaev Mansur

      Telegaram kanalimizda ( Telegram.me/AvitsennaUz ) «Sog’lom ovqatlanish — Salomatlik mezoni» nomli kitobni berganmiz! Telegramdan ko’chirib olishingiz mumkin. Yoki saytimizdan tez orada ko’chirib olishingiz mumkin!

  4. Temur

    Ko’zim oldin 16 yoshimda 100% sog’lom edi lekin keyingi uch yil ichida negadir ko’rish qobiliyatim pasayib
    -1 ga tushib qoldi.
    Ko’rish qobiliyatim yana oldingidek bo’lishi mumkinmi?.

  5. Oybek

    Assalomualeykum! savolim quydagicha. Bazi bazida ornimdan tezda tursam yoki keskin harakat qilsam, ko’zimga yulduzchalar ko’rinadi, boshim tez-tez og’rib turadi, labimga ham yara chiqib turadi, o’zimi datmonsiz ham his qilib turaman, bu narsalar kam harakatdan dib ôyledigon bòlsam, muntazam sport bilan shug’illanib kelaman. Manga qanaqa vitamin yetishmasligini aytib ötsalarin, javob uchun oldindan raxmat!

  6. Nurbek

    Kuzimga xar hil shaffof rang uzunchoq narsalar kurinadi doim harakatda buladi bu kasallikmi davosi bormi

  7. Nurbek

    Kuz oldimda ipsimon shaffof rang dog’lar uchib yuradi bu sababi nimada va ukasallikmi

Fikr bildirish

Sizning emailingiz chop etilmaydi. To‘dirish zarur qatorlar * bilan belgilangan.