El sog‘ligi — yurt boyligi

Uy sharoitida yuzni oqartirish

Yuz terisini quyosh, shamol va sovuq ta’siridan asrash uchun yuzga tuxum oqini surtish lozim. Ushbu muolaja uzog‘i bilan 10 daqiqa davom etadi.

  • Bargizub (zubturum) ham yuzni oqartirish xususiyatiga ega. U yaralarni tez bitishiga yordam beradi. Buning uchun zubturumning yangi chiqqan, yirik barglaridan olib, xuddi o‘sma kabi qo‘lda siqiladi va suvi yuzga surtiladi.
  • Oftob tig‘ida qoraygan yuz terisini iliq sut bilan artish ham ancha foydalidir. Bunda nafaqat teri oziqlanadi, balki yuzingiz a’lo darajada oqaradi. Umuman olganda, sut mahsulotlari – tvorog, suzma, qatiq ham yuz terisini oziqlantirib, taranglashtiradi.
  • Yuzning tiniq bo‘lishi uchun baqlajon suvi bilan artish ham foydalidir. Bundan tashqari, limon suvi kunora surtilsa, yuzni silliq qiladi.
yuzni oqartirish

Uy sharoitida yuzni oqartirish uchun tavsiyalar

Yuz terisini oqartiruvchi niqoblar:

50 gramm asalga 5 tomchi limon sharbati qo‘shib aralashtiriladi. Tayyor bo‘lgan aralashma ertalab yuzga surtiladi va 15 daqiqadan so‘ng yuvib tashlanadi. Ushbu niqob yuzni tabiiy ravishda oqarishini ta’minlaydi.

***

Bir dona limonni siqib, suviga 100 gramm asal qo‘shasiz. Uni muzxonada saqlab, har kuni ertalab yuz yuvishdan oldin 10-30 daqiqa yuzingizga surtib qo‘ysangiz, ajinlar tushishining oldini oladi.

N.Uglamova.
«Sog‘lom avlod» gazetasi.

 

Yuzni oqartirishning 3 siri

1-niqob

Kuchli oqartiruvchi ta’sirga ega bu niqobni terining faqat dog‘ bosgan sathlariga surtish tavsiya etiladi.

Tayyorlanishi: 1 choy qoshiqdan sut (yoki sut zardobi), limon sharbati va 3 foizli vodorod peroksidini aralashtirib, yuzning dog‘ bosgan joylariga 2-3 marotaba (har besh daqiqada) surtiladi. Oxirgi qatlam qurigach, 10 daqiqa kutib, niqobni iliq suvda yuvib tashlang va yuz terisiga oziqlantiruvchi krem surting.

2-niqob

Limonli. Yuzdagi sepkil va pigment dog‘larni ketkazish uchun limondan foydalansangiz ham bo‘ladi.

Buning uchun bitta tuxum oqi bir dona limon sharbati bilan ko‘pirtiriladi va ichiga 1 choy qoshiq glitserin hamda yarim stakan odekolon qo‘shiladi. Hosil bo‘lgan loson har kuni uyquga ketish oldidan yuz terisiga surtiladi.

Yog‘li teri sohibalari diqqatiga!

Agar sepkildan xalos bo‘lishni xohlasangiz, kechqurun yuzingizni sovunlab yuvganingizdan so‘ng sovuq suvda chaying. Sochiq bilan artgach, bir dona limon sharbati va yarim stakan aroq aralashmasidan tayyorlangan losonni yuzingiz terisiga surting. Bu muolaja yuzingizni nafaqat oqartiradi, shuningdek, tozalaydi va silliqlashtiradi.

3-niqob

Husnbuzar, dog‘ va sepkilga qarshi boshpiyozli niqob. Mayda tishli qirg‘ichdan o‘tkazilgan piyozdan husnbuzar, dog‘ va sepkilga qarshi samarali vosita sifatida foydalanish mumkin.

Yuzdagi dog‘larni ketkazish uchun

Agar yuz teringiz quruq va dog‘ bosgan bo‘lsa, boshpiyozni mayda tishli qirg‘ichdan o‘tkazib, teng miqdorda (yoki sal ko‘proq) suyuq asal qo‘shing. Aralashma yuz terisiga surtiladi, 15-20 daqiqadan so‘ng avval nam, keyin quruq tampon bilan artiladi.

Shuningdek, yog‘li va normal teri sohibalari piyoz sharbatidan sepkil hamda pigment dog‘larni ketkazuvchi vosita sifatida foydalanishlari mumkin. Buning uchun ertalab va kechqurun yuz terisini piyoz sharbatiga namlangan tampon bilan artib, so‘ng qaymoq surtiladi. 10 daqiqadan so‘ng iliq suvda yuvish kerak.

Darvoqe…

Yuzni oqartiruvchi eng asosiy sabzavotlardan biri — bodringni unutibman. Dugonajon, agar yuzingiz sutga chayilgandek oppoq bo‘lishini xohlasangiz, har kuni bir dona bodringni o‘rtasidan ikkiga bo‘lib, sharbatini yuzingiz terisiga surting. Bodringni mayda tishli qirg‘ichdan o‘tkazib, niqob tayyorlasangiz ham bo‘ladi.

DILSHODA tayyorladi.
«Sug‘diyona» gazetasi.

Сохранить

Сохранить

Telegramdagi rasmiy kanalimizga a’zo bo‘ling!

A’zo bo‘lish
loading...

Savollar

  1. Abduraxim

    yuzdagi ortiqcha tuklarni qanday yo’qotish mumkin.Buni iloji bormi ???

  2. Moxina

    Assalomualekum menni yuzimda shor paydo boldi yuzim quruqshab eti kochyapti ba qichishib achishyapti nima qilib yoqotdam boladi bu nimada

  3. davron

    belda grijo bolsa nima qilish kerk doktorlarga bordik foydasi bomayapti oyog’ga beryapti ogriqni

  4. Durdona

    Qanday qilib yuzdagi qora tochkilarni yoqotsa boladi

  5. Imron

    Gimarod kasalligi u qanaqa kasallik

  6. Ilhom

    og’izdan keladigan noxush hidni uy sharoitida bartaraf etish haqida ma’lumot bersangiz. Agar sababi oshqozon va ichaklarda bulsa? Oldindan raxmat

  7. hojiakbar

    savol yuzim doim qizil yuradi nima qilsam qizillikdan qutilaman

  8. Gulshan

    yuzim doyimo quruq ammo sepkilarim bor yaqinda turmishga chiqyapman yuzimni oqartirishim lozim barcha turdagi kremlardan foydalandim ammo natija yoq

  9. Husniya

    Assalomu alaykum zinerit mazi husnbuzarlarga samaralimi

  10. MIM

    Assalomu aleykum. Meni yuzim qizgish qon tomirchalar kuringan holatda. Uy sharoitida qanday niqoblarni tavsiya qilasiz. Yuzimni tiniq rangda bulishini xohlayman. Oldindan rahmat

Fikr bildirish

Sizning emailingiz chop etilmaydi. To‘dirish zarur qatorlar * bilan belgilangan.