Quloq shovqinlansa…

Inson hayoti davomida bir marta bo‘lsa ham “Qulog‘imda shovqin eshityapman, nega bunday bo‘lyapti?” degan savolga duch keladi. Avvalo, bu o‘ta noyob hodisa yoki kasallik emas, ko‘pincha tanamizdagi biron a’zoning kasallanishiga aloqador  bo‘ladi.

Quloq kasalliklari

Quloqdagi shovqin ilmiy tilda “tinnitus” deb ataladi. Bunga shang‘illash, g‘uvillash, shitirlash, vizillashlar ham kiradi. Bu holat tinch, ortiqcha shovqinlar yo‘q paytda kuzatiladi. Ko‘pincha quloqdagi shovqin eshitish qobiliyatining pasayishi alomati hisoblanadi.
Agar shovqinga og‘riq va quloq qizarishi qo‘shilgan bo‘lsa hamda shovqin juda ichkaridan kelayotganini sezsangiz, bu oltingugurt tiqilmasi sabablidir. Ba’zan shovqin sababchisi quloq pardasining qattiq tovush yoki qattiq kavlab tozalash natijasida shikastlangani yoki yallig‘langani ham bo‘lishi mumkin. Shang‘illash va g‘ala-g‘ovur ovozlar baland musiqa tinglashni yoqtiruvchi va o‘ta shovqinli sharoitda ishlovchilarda kuzatiladi.

Quloq shovqinining kasallik bilan bog‘liq tomonlari

Quloq shang‘illashini keltirib chiqaruvchi kasalliklar ham bor:

  1. Migren (vaqti-vaqti bilan tutadigan qattiq bosh og‘rig‘i) — odatda boshning chap yoki o‘ng tomoni qattiq og‘rib, o‘sha tomon quloqda g‘alati tovushlar eshitiladi.
  2. Yurak-tomir kasalliklarida quloq tizimidagi shovqin yurak yurishi kabi dukillash tovushida bo‘ladi.
  3. Bo‘yin osteoxondrozida ham quloqda dukillash eshitiladi.
  4. Kamdan-kam holatlarda bu shovqinlar nevrinoma (eshitish nervida o‘sma) kasalligi alomati bo‘lishi mumkin.

Sababini aniqlash uchun birinchi navbatda LOR shifokorga murojaat qiling. U eshitish yo‘lini tekshirib, tiqilma yo  boshqa biron narsa bor-yo‘qligini aniqlaydi.  Bundan tashqari, audiometriya (eshitishning sezuvchanlik darajasi) kabi qo‘shimcha tekshiruvlar ham o‘tkaziladi. Agar quloqdagi shovqin boshqa sabablar tufayli yuzaga kelgan bo‘lsa, shifokor sizni shu yo‘nalishdagi mutaxassis — kardiolog yoki nevropatolog huzuriga yuboradi.

Asoratlari

Agar qulog‘ingizdagi shovqinlar tez-tez paydo bo‘layotgan bo‘lsa-yu o‘z vaqtida tekshirtirib davolamasangiz, quyidagi asoratlar yuzaga keladi:

  • tiniqib uxlashga halal beradi;
  • ishdan chalg‘itib, faolligingizni susaytiradi;
  •  xavotir va stressni keltirib chiqaradi;
  • ba’zan depressiyaga ham olib keladi.
Ushbu maqolani ham o‘qing:  Qandli diabet bedavo xastalikmi?

Bu quloq saratoni kabi og‘ir kasallik bo‘lishi mumkin. Shu sabab eshitish va quloq bilan bog‘liq noxushliklarni sezishingiz bilan shifokorga murojaat qilishingiz lozim. Muolaja o‘tkazishdan bosh tortish natijasida miyaning eshitishga javob beruvchi qismi shikastlanishi va eshitish qobiliyati butunlay yo‘qolishi mumkin.

Shifokorga murojaat qilishingiz shart:

  1. Quloqda hech qanday sababsiz shovqin paydo bo‘lib, kuchayib borsa.
  2. Uxlashingiz va diqqatingizni jamlashingizga xalaqit berayotgan bo‘lsa.
  3. Shovqin bilan birga doimiy bosh og‘rig‘i, yurak sohasida sanchiq va og‘riqlar kuzatilsa.
  4. Eshitish qobiliyati susaysa.
  5. Bosh aylanib, ko‘z oldi qorong‘ilashsa.
  6. Ko‘ngil aynishi paydo bo‘lsa.
Maqolani baholashni unutmang, iltimos!
1 baho2 baho3 baho4 baho5 baho

Loading...

Telegramdagi rasmiy kanalimizga a’zo bo‘ling!

A’zo bo‘lish
loading...

Tegishli maqolalar

47 ta izoh

  1. Salom men dushga kirib chiqib uxlagandim tursam quloqim bitib yotipti quloqimdan sarq narsa chiqandi Barbir ochilmadi quloqim ochilmayotkaniga 4kun buldi past eshityapman Nima qilsam buladi jovob uchun oldindan Raxmar

  2. Shifokorga murojaat qilishingiz shart:
    1. Quloqda hech qanday sababsiz shovqin paydo bo‘lib, kuchayib borsa.
    2. Uxlashingiz va diqqatingizni jamlashingizga xalaqit berayotgan bo‘lsa.
    5. Bosh aylanib, ko‘z oldi qorong‘ilashsa.

    Menda shu muammolar 8 yildan beri bor. Ko‘p doktorlarga ko‘rindim foydasi bo‘lmadi. O‘zbekistonda bu kasallikni davolay oladigan birorta kasalxona bormi? Sankt-Peterburgda-chi? Javobingiz uchun oldindan raxmat…

  3. Menda ham 4 yildan beri shang’illash bor hozir 2 yildan beri nevroz bo’lib qoldim. Shu maqolani o’qib nevroz shu quloq shang’illashidan chiqdimikan deb o’ylab qoldim. Shindaymikin?

  4. Samol doktir men maskvadaman boshim aylanaveerganga wu yirda doktirga kurindim doktir mrt kurigidan utkazib buyin astyaxanderozi bor deb tawxiz qoydi dorilar yozib berdi va mashqlar ham tafsiya qildi men doktir aytgandek qildim bowim aylanishi tuxtadi endi 7 kundan beri qulog’im shang’illayabdi dori ichishni tuxtatdim notug’ri tasir qildimi deb siz nima deysiz nimaga bunday boldi, javobiz uchun oldindan raxmat.

  5. Assalomu aleykum! Man o’ng qulog’imda shovqin paydo bo’lib qoldi shu 2-3 oydan beri, eshitishim ham yomonlashdi. LORga bordim Audiogrammani maslahat berdi.Audiogrammaga tushdim O’ng qulog’imga Tugouxost 3-stepeni berishdi. Yana LORga bordim, ukol qilishdi sal yaxshilandi undan keyin Zuluk oldim eshitishim ancha yaxshilandi lekin shovqin butunlay yo’qolib ketmayapti. Internetda narodnoye lecheniyalarni yozibdi. Masalan, chesnok soki va olivkovoyo masla aralashmasini 1-2 tomchi tomizish yaxshi foyda berarkan shunga nima deysizlar uy sharoitida qilsam bo’ladimi??? Bu shovqinni butunlay yo’qotsa bo’ladimi???

  6. Salom,meni savolim shundan iborat dadamlarni un kunlardan beri quloq shang’illashi bezovta qilobdi kechalari uhlolmay bezovta buladilar,doktirlarga kurindilar audiometriyaga ham tushdilar hech qanday muammo yuq deb aytishgan va 3 kun qatnab bizda davolaning diyishgan 2 kun 3bordilar 3 kun foydasini sezmadim deb bormay ham quydilar duhtirlar shu 2 kun davomida burunlarini yuvishgan va shunga ushqagan bir ikkita muolaja qilishgan.

Fikr bildirish

Sizning emailingiz chop etilmaydi. To‘dirish zarur qatorlar * bilan belgilangan.

Close