El sog‘ligi — yurt boyligi

Prostatit — davolasi bo‘ladigan dard

Ayrim insonlarda prostataning tug‘ma o‘smay qolganligi yoki nimjonlanib qolishi jinsiy qobiliyatda aks etishi mumkin.
Lekin, prostata bezidagi asab tolalarining uchlari va asab tugunlari uning ba’zan unchalik ahamiyatga ega bo‘lmagan patologik o‘zgarishlarga ham sezgirligini ta’minlaydi. Hatto surunkali ich qotishi yoki bavosil kasalligi prostata bezida vaqtinchalik jinsiy noqobillik tug‘dirishi mumkin.

Prostata bezi adenomasi

Keksalikda jinsiy bezlar faoliyati susayganda prostata bezining faoliyati ham pasayadi. Uning yopishqoq to‘qimasi qisman biriktiruvchi to‘qima bilan aralashib qoladi. Ellik yoshdan oshgada ba’zan uretra atrofi bezlari
o‘sib ketadi. Bu bezlar, ma’lumki, prostataga taqalib turadi. Natijada prostatada shishga o‘xshash bezarar hosila (adenoma) paydo bo‘ladi. Adenoma jom, ya’ni qovuqdagi ulanish apparatini siqib, uning normal faoliyatini buzadi. Bunda siydik chiqarish qiyinlashadi. Adenoma to‘g‘ri ichakni qisib qo‘yishi oqibatida esa, keksalarda ich qotishi yuzaga keladi.
Prostata bezi faoliyatining buzilishi ulg‘aymagan kishilarda ham kuzatiladi. Buning boisi bavosil kasalligi, jinsiy yaqinlikdan tiyilib yurish, zahar tang‘iganda tutib yurish odatda, surunkali qabziyat, oz harakatli turmush tarzi, ovqatlanishdagi betartiblik va spirtli ichimliklarga ruju qo‘yishdir.

Prostatit bu – prostata bezining yallig‘lanishidan kelib chiquvchi kasallik bo‘lib, hozirgi kunda dunyo bo‘yicha 73-90 foiz erkak aynan shu xastalikdan aziyat chekadi.

Prostatit kasalligi bezga

  • siydik pufagi;
  • siydik yo‘li;
  • to‘g‘ri ichak;
  • qon tomirlari va kichik tozning limfa tomirlari orqali infeksiya tushish yo‘li bilan paydo bo‘ladi.

Prostata bezining yallig‘lanishi o‘tkir shamollash kasalliklari belgilari bilan kechadi. Bunda bemorning tana harorati 38-39 darajagacha ko‘tarilishi, hojat chiqarayotganda orqa teshikda qattiq og‘riq paydo bo‘lishi mumkin. Aksariyat hollarda kasallik surunkali ravishda kechgani uchun erkaklarni hech narsa bezovta qilmaydi. Bunday paytda bemorda yuqoridagi belgilar kuzatilishi, ba’zan esa umuman og‘riq sezilmasligi mumkin:

  • tana harorati 37 darajagacha ko‘tarilishi;
  • tez-tez hojatga borish, borganda tomchilab siydik kelishi (dizuriya);
  • og‘riq bilan qiynalib siyish;
  • qovuq bo‘shlig‘i oralig‘ida og‘riqlar paydo bo‘lishi.

Prostata bezi ishlab chiqargan suyuqlik qonga so‘rilmagani uchun ushbu kasallik bilan og‘rigan erkaklarda ereksiya buzilishi kuzatiladi. Surunkali prostatitdan aziyat chekayotgan erkaklarda asablar tarangligi, ko‘ngil to‘lmaslik, sal narsaga ”tutab“ ketish holatlari ko‘p uchraydi. Shuning uchun bunday bemorlarni davolovchi shifokor nafaqat tajribali urolog, balki yaxshi ruhshunos bo‘lishi darkor.

Prostatit kasalligi profilaktikasi

Agar bemor vaqtida shifokorga murojaat etmasa, keyinchalik prostata bezida yiringlash paydo bo‘lishi mumkin. Bunday hollarda tana harorati 39-40 darajagacha ko‘tarilib, siydik yo‘llarida qattiq og‘riq seziladi.
Shuni unutmaslik kerakki, kasallikning surunkali turi murakkab kechishi bilan xavflidir. Bu kasallik ko‘p yillar mobaynida inson tanasida yashirin kechgani bois o‘zini sezdirmaydi. Shuning uchun ham ko‘p erkaklar o‘zlarida prostata bezi borligini bilishmaydi. Vaqt o‘tgan sari bezning yallig‘lanishi hisobiga vaziyat yanada murakkablashib boraveradi. Erkak organizmida kechayotgan bu jarayon keyinchalik siydik yo‘liga o‘tib, quyidagi kasalliklarni keltirib chiqarishi mumkin:

  • sistit (qovuqning yallig‘lanishi);
  • piyelonefrit (buyrak va buyrak jomchasi
  • shilliq pardasining yuqoridan pastga qon
  • orqali tushuvchi yoki pastdan siydik yo‘lidan yuqoriga ko‘tariluvchi
  • infeksiya orqali yallig‘lanishi);
  •  vezikulit (urug‘ pufakchalarining yallig‘lanishi);
  • epididimoorxit (moyaklar va ularning ortiqlari (pridatkalari)ning yallig‘lanishi).

Yuqorida sanab o‘tilgan kasalliklar erkaklarda bepushtlikni keltirib chiqaruvchi omilga aylanadi. Tabiiyki, bunday bemorlarning davolanishi qiyin kechadi. Eng achinarlisi, o‘z vaqtida shifokor ko‘rigidan o‘tish va salomatligini mustahkamlashga jiddiy yondoshmagan ba’zi erkaklar bepushtlik dardiga chalinishlari mumkin. Shu bois har bir erkak yilda kamida bir marta urolog, androlog hamda seksopatolog ko‘rigidan o‘tishga odatlanishi kerak.

Prostatit kasalligini davolashning zamonaviy usullari

Hozirgi kunga kelib, prostatitdan aziyat chekayotgan bemorlar og‘riqsiz va samarali davolash usullari yordamida shifo topmoqdalar. Buning uchun avval ularni quyidagi tekshiruvlardan o‘tkazish lozim:

  • kompyuter orqali skaner qilish;
  • uch tomonlama ultratovush tashxisi;
  • Immunofermentli muolaja – PSA (prostata maxsus antigeni).
  • Bemorning yakuniy natijalarini o‘rganib chiqqach, unga prostatit, adenoma,
    ya’ni giperplaziya (bez to‘qimadan vujudga kelgan o‘sma) yoki prostata bezi
    saratoni deb aniq tashxis qo‘yish mumkin.

Ushbu kasallik tashxisi qo‘yilgan bemorlarning tushkunlikka tushishlariga hojat yo‘q. Chunki olimlar allaqachon bunday bemorlarning dardiga ham shifo topish usulini ishlab chiqishgan. Prostata bezi saratoni kasalligini boshlang‘ich davrida davolash ijobiy natija beradi. Lekin xavfli o‘sma hujayralarining boshlang‘ich o‘chog‘idan boshqa a’zolarga qon yoki lifa oqimi bilan o‘tishi natijasida hosil bo‘ladigan ikkilamchi o‘sma (metastaz) paydo bo‘lgan bo‘lsa, kasallikni davolash mushkul kechadi. Shuning uchun erkaklarga vaqti-vaqti bilan shifokor ko‘rigidan o‘tib turishni maslahat beraman.

© «Darmon» jurnali.

Telegramdagi rasmiy kanalimizga a’zo bo‘ling!

A’zo bo‘lish
loading...

Savollar

  1. ranaldo

    Assalomalekum doxtir menda siydik chiqib ketyspti topchilab uroliga bordim womolash bor dedi dovolandim ammo siydik tomchilab ketmoqda bazida iltimos yordam berin uylanadigan yigitman buni tuzatiw yoli bormi

    • Urazbaev Mansur

      Bu holat haqiqatan shamollash tufayli yuzaga kelgan bo’lishi kerak.
      Tuzalmaganligining sababi muolaja qilinish jarayonida pala-partishlikka yo’l qo’yilganligi bo’lishi mumkin.

      Davolanish jarayonida tartibga alohida ahamiya berish kerak.

  2. Crazy Xacker

    Salom doktir men siyishga qiynalyapman qovugimda ogriq bor qovugim tolib turgandek lekin siysam juda kam siyaman qovugim ogridi. Iltimos yordam bering menda birinchi bor bunaqa bolishi ozim ham hayronman. Dostlarim tosh bor deyapti. Tez tez siyaman lekin juda kam. Javobingiz uchun oldindan raxmat

  3. bekzod

    Salom doktor meni siyganimda achishish va siyib bulganimdan keyin ham biroz vaqt achishib turadi olatim atrofida qichishish bor ertkil hosil bulgach qichishish achishish boshlanadi buqanday kasallik bulishi mumkin peastataga aloqasi bormi qovugimni tagi ham achishadi

  4. Bobir

    Assalomu aleykum doktor. Men siyatkaninda achishish va orkasidan tomchilab sekin siydik chikyapti. Achishish 10 dakikalardan kegn koyvoryapti buni kanday davolasa boladi . oldindan rahmat javobizni kutaman

  5. Davronbek

    Salom man Xorozmdan Davronman roppa rosa 1 yil böldi surunkali prastatit bölganimga davolandim antibiotik köp quyishdi keyin oshqozonimda oğriq paydo böldi shundan buyon shu kasalliklar bilan yuripman xozir prastata oğriq berib boshladi nima maslaxat berasiz

  6. Nodir

    Salom mening qovog’imda shish va biroz og’riq bor bir kunda ko’p hojatga chiqaman lekin hech qanaqa achishish yo’q nima maslahat berasiz

  7. Olimjon

    Salom.men namoz uqishni boshlab tahorat qilardim.1 haftada menda siydik tomchilashi paydo buldi.keyin kanefron tabletkasidan ichib davolandim.bu safar ham 7-8 kunlar ichida yana shu holat.menda ham prostatitmi qanday davolanishim kerak tuliqroq malumot bersangiz

    • Avitsenna.uz jamoasi

      Avva urologik tekshiruv zarur. Balki prostatit ham yuzaga kelgan bo’lishi mumkin. Tavsiyamiz shifokor urolog qabuliga boring.

    • Аbdurrahmon

      Hurmatli Olimjon. Hayotda bilimsiz odam albatta ziyon ko‘ruvchilardan bo‘lib qoladi. Bu bilimsizlik qaysi sohada bo‘lmasin. Inson bir ishni amalga oshirishdan oldin albatta o‘zida shu ishning bilimiga ega bo‘lmog‘i lozim.

      Siz namoz o‘qishni b boshlaganingiz va muntazam tahorat qilganingiz sababli kasal bo‘lib qolganingizga tahoratni ayibdor qilyapsiz.

      Demak siz nimaga ziyon ko‘rdingiz…? Tahorat qilish ilmini bilmaganingiz uchun. Tahorat olishdan oldingi birinchi bosqich istinjo bo‘lsa, bu degani haloga kirib olib orqa yuvishdan bo‘shamaysan degani emas. Namozhon kichik hojat paytida yuvishi shartmas qog‘oz yoki kesakka shimitib poklansa kifoya qiladi. Katta hojatda esa najosat dirham kattaligidan kichik bo‘lsa o‘shani ham aratishning o‘zi bilan kifoyalaniladi. Yuvish shartmShum
      Shuni bilib qo‘ying muhtaram Olimjon agar Tahoratdan kasal ortishi bo‘lganida dunyoda musulmonlarning urug‘i qurib ketgan bo‘lardi. Siz o‘zingiz bilib yoki bilmagan holatda odamlarni tahorat va namozdan qaytaribsiz afsus…

  8. dilshod

    Ассалому алейкум , meni qovogim , umrtqa va believe ogriyapti asosan qovogim ( maslahat bering nima qilish kerak

  9. Ulug'bek

    Assalomu alaykum! Kechirasilar savolim qo’pol ravishda berilyotganidan uzr so’rayma. Urolog,androlog shifokoriga ko’rining deb maslahat beryapsizlar. O’zbekistonda ya’ni aynan Farg’ona Viloyatida yaxshi Urolog,androlog bormi? bor bo’lsa qayerdan topish mumkin? oldindan raxmat.

  10. Zafar

    Salom doktor,prostata jinsiy aloqa orqali ham yuqishi mumkinmi?

Fikr bildirish

Sizning emailingiz chop etilmaydi. To‘dirish zarur qatorlar * bilan belgilangan.