El sog‘ligi — yurt boyligi

OTMlarga qabul. Qanday o‘zgarishlar bor?

2017 yildagi qabul komissiyalari ish boshlashiga ham oz fursatlar qoldi. 2017 yil 5 may kuni Prezident qarori bilan qabul kvotalari tasdiqlangani joriy yilgi qabul mavsumini rasman ochib berdi, deb bemalol aytish mumkin. Mazkur qaror asosida bir qancha yangiliklar va o‘zgarishlar kiritildi. Sizlarga ushbu yangiliklar haqida qisqacha ma’lumot bermoqchiman:

otm qabul qabul komissiyasi

  • Kvotalar 8 ming 409 taga ko‘paygan va jami 66 ming 316 nafar talaba qabul qilinadi;
  • Navoiy davlat konchilik instituti va Toshkent temir yo‘l muhandislari institutida maxsus sirtqi bo‘lim ochildi. O‘z navbatida Toshkent kimyo-texnologiya instituti (Qo‘ng‘irot bo‘limi)ning maxsus sirtqi bo‘limi yopildi;
  • Joriy yildan test sinovlaridan muvaffaqiyatli o‘ta olmagan abituriyentlar to‘lov-kontrakt pulining oshirilgan stavkasi evaziga talabalikka qabul qilinishi mumkin. Faqat buning uchun abituriyent kamida 68 ball to‘plagan bo‘lishi lozim. Qo‘shimcha qabul bo‘yicha to‘lov-kontrakt pulining oshirilgan stavkasi abituriyentlar to‘plagan ballarga qarab Davlat komissiyasi tomonidan differensiyalashgan tartibda belgilanadi. Hozircha kontraktning narxi ma’lum emas. Shuningdek, qo‘shimcha kontrakt o‘rni ham cheklangan bo‘ladi, 68 balldan oshirgan barcha abituriyentlar ham qabul qilinavermaydi;
  • Tibbiyot oliygohlari endilikda davlat granti asosida hududlarga taqsimlangan kvota bilan talaba qabul qiladigan bo‘ldi. Quyidagi manzilda qaysi viloyatga nechta o‘rin ajratilganini ko‘rishingiz mumkin.
  • Toshkent tibbiyot akademiyasining Farg‘ona filiali hamda Toshkent kimyo-texnologiya institutining Qo‘ng‘irot bo‘limi ushbu yildan boshlab yopildi. Ular endi talaba qabul qilmaydi;
  • Toshkent davlat stomotologiya institutining hududlardagi barcha filiallari, xususan Andijon, Buxoro, Samarqand, Nukus filiallari yopildi. Buning evaziga avvalgidek hududlardagi tibbiyot institutlarida “Stomatologiya” fakultetlari qayta tashkil etildi;
  • Toshkent tibbiyot akademiyasining Urganch filialiga yana talabalar qabul qilish boshlandi. O‘tgan yili ushbu filial uchun kvota ajratilmagandi;
  • Termiz shahrida Toshkent davlat texnika universiteti hamda Toshkent davlat agrar universitetining filiallari ochildi. Endi shu ikkala universitetda o‘qimoqchi bo‘lgan abituriyentlar Termiz shahridagi filiallarda ham tahsil olishi mumkin;
  • Namangan muhandislik-pedagogika institutining nomi Namangan muhandislik-qurilish instituti deya o‘zgartirildi.

© Xushnudbek.uz

[divider] [divider] [box type=»info» align=»alignleft» ]Maqola «Abituriyent-2017» loyihasi doirasida chop etildi. Loyiha yangiliklarini Avitsenna.uz saytidan tashqari «Telegram»dagi «AvitsennaUz» kanali orqali ham kuzatib borishingiz mumkin! Loyihaning asosiy sahifasiga o‘tish [/box]

Telegramdagi rasmiy kanalimizga a’zo bo‘ling!

A’zo bo‘lish
loading...

Добавить комментарий

Ваш e-mail не будет опубликован. Обязательные поля помечены *