Bola qorni sanchisa

Bolaning tagi quruq va u och emas, ammo shunga qaramasdan yig‘lashdan to‘xtamayaptimi? Balki uning qorni sanchayotgandir? Odatda, qorindagi xurujsimon og‘riqlar yangi tug‘ilgan chaqaloq hayotining 2-haftasidan keyin paydo bo‘ladi va 3 oygacha davom etadi. Qorin sanchiqlari – bu hali to‘liq shakllanmagan go‘dak ichak faoliyatining o‘ziga xos ishlashidan darak beradi. Ammo muammo o‘z-o‘zidan yo‘qolib ketishini kutmaslik kerak, chunki bolani og‘riqdan xalos qiladigan samarali usullar mavjud.

1-usul
Bolani qorin sanchiqlaridan issiqlik yordamida xalos qilish mumkin. Go‘dakning qorinchasini iliq yo‘rgak bilan isiting. Buning uchun yo‘rgakni bir necha qavat qilib, dazmol bilan isitasiz, keyin uni bolaning qorniga qo‘ying. Shuningdek, go‘dakni “teriga teri” usulida qorningizga qo‘yishingiz ham mumkin. Ona tanasining tafti bolani isitadi.

2-usul
Bolada gazlar paydo bo‘lganida, u oyoqlarini qorniga qarab tortishini sezgan bo‘lsangiz kerak. Bu bilan u og‘riqni yengillashtirishga harakat qiladi. Haqiqatan ham, pozani o‘zgartirish yordam beradi. Bolani yonboshiga ag‘daring. Agar bu yordam bermasa, uni qo‘llaringizga oling. Bola qo‘lingizda qorni bilan yotishi, uning boshi esa bilagingizda turishi kerak. Qoringa tushgan bosim gazlarni chiqarib yuboradi.

3-usul
Bolada sanchiqlar xuruj qilganida, yengil massaj qilish kerak. Bolaning oyoqchalarini qorniga itaring, oldin ularni birgalikda, keyin esa navbatma-navbat itaring. Shunda gazlar tezroq chiqadi. Bolaning qornini barmoqlaringiz bilan oldiniga soat mili bo‘yicha, keyin esa qarama-qarshi tomonga qarab silang. Bunda qo‘llaringiz iliq va toza bo‘lishi lozim.

4-usul
Moychechak damlamasi qo‘shilgan iliq vanna bolani tinchlantiradi. Suv moddalar almashinuvini tezlashtiradi va ichak faoliyatini rag‘batlantiradi. Organizm ovqatni tezroq hazm qiladi. Buning ustiga suvda erkin holatda bo‘lish og‘riqlarni yengillashtiradi.

5-usul
Go‘daklarda emish instinkti kuchli bo‘ladi. Olimlar eksperimental usul yordamida emish jarayoni qorin sanchiqlaridan xalos qilishini isbotlashgan. Bola biroz tinchlanib, yig‘lashdan to‘xtaganida, unga so‘rg‘ich bering.

6-usul
Ba’zi onalar bolani qo‘llariga olib, butun tanasini bag‘riga bosgan holda, uni tinchlantirishadi. Bolaning qulog‘iga yengil puflashadi yoki nimanidir shivirlashadi. Shu tarzda ular qisman ona qornida bo‘lgan muhitni yaratishadi.

7-usul
Ventilyator shovqini yoki kir yuvish mashinasining vibratsiyasi bolaga to‘qqiz oy davomida his qilgan narsani eslatadi. Bolani avtomobil kreslosiga o‘tqazing va mashinada uy atrofida bir necha bor aylaning. Bola tinchlanishi kerak. Avtokresloni ishlayotgan kir yuvish mashinasining ustiga qo‘ying. U tebranma kresloda tinchlanishi ham mumkin.

8-usul
Ko‘pgina madaniyatlarda bolalarni olib yurish uchun ro‘mollar va matolardan foydalanishadi. Bola slingda ona tanasiga yaqin joyda bo‘ladi. Uning tanasi bir joyga jamlanib, oyoqlari qorniga tiralgan holatda yotadi. Bunday holat qorindagi og‘riqni yengillashtiradi.

9-usul
Bu usul azaldan mavjud. Ovqatdan so‘ng bolaga qayt qilishiga imkon berish kerak. Uni yelkangizga qo‘ying va yengilgina orqasiga uring. Gazlarning ortiqchasi chiqib ketadi, shunda bola bu safar noqulaylikni his qilmas.

10-usul
Agar bola og‘riqdan azoblanib, boshqa hech qanday usullar yordam bermayotgan bo‘lsa, shifokorga murojaat qiling. Pediatr sizni klizma va gazni chiqaruvchi trubkani qilishga o‘rgatadi. Agar qorin sanchiqlari organizmdagi qandaydir buzilishlarning alomati bo‘lsa, unda davolash kursi va dorilarni tayinlaydi. Bolaning yig‘isi sizning aybingiz emas. Noumidlikka tushmang, shunchaki bolaga yordam berishga harakat qiling.

Avitsenna.uz saytida mavuzga aloqador quyidagi maqolalarni ham o‘qishingiz mumkin:

10 комментариев

  1. Salom menga odam ichidagi qyrtga qarshi yaxshi samarali dori nomi kerak iltmos aytib yuborsanggis men rassiyadan murojat qilayapman oldindan

  2. 2yowli Bolamni ichini suyultiriw uchun sano damlamasidan bersam bo’ladimi? Dufalak ichirvoman wundayam 3-4kunda kevoti iltimos savolimga javob berila

  3. 2yoshli bolamga sano damlamasidan bersam bo’ladimi? Ichini suyultirmoqchiman 3-4 kunda zo’rg’a kevoti, yana nimala qiliwni maslaxat berasila? Iltimos savolimga jovob berila oldindan raxmat

  4. nargiza abdullayva

    Iltifarzandim 5 oylik axlatida wilimwiq bor sariq sariqsal narsaga ichi buziladi sababi nimada iltimos iltibuni wifosi nimada

  5. Tug’ruqdan song muzday suv yani qaynatilmagan suv yoki qatiq ichib yuborish. So’ng ilk bor emizish qanchali to’ri.

  6. Javob berganingiz uchun raxmat. Yaqinda shifoxonada bolamni qorni og’rib yotganimda, yonimdagi sherimni kuzi viloyat tug’ruqxonasida yorigan ekan. Uyerni shifokorlari tug’riqdan oldin qatiq yoki ochib yuborishini xamda parxez qilmay yeyaverishini aytishibdi. Ona va bolaga kuch vitamin quvat kerak diyishgan ekan. Man shaxar tugriqxonasida chaqaloqli buldim bu yerda qutiyan parxez tutkizishdi. Xama joyni davolash usuli xar xilmi. Ona va bola uchun tinch xayot, kuch quvat sog’liq asosiysi. Poytaxtda qay biri yosh onaga tavsiya qilinadi.

So‘rov qoldirish

Sizning emailning chop etilmaydi.To‘ldirilishi zarur qatorlar * bilan belgilangan *

*